ఇల్లంతకుంట రామాలయానికి – -ధర్మపురి ఆలయం నుంచి పట్టు వస్త్రాలు తలంబ్రాలు!!

ప్రసిద్ధ పుణ్యక్షేత్రమైన భద్రాచలం దేవస్థానం తర్వాత. అంతటి ప్రాధాన్యత ప్రాచుర్యం గల. శ్రీ సీతారామచంద్రస్వామి వారి ఇల్లంతకుంట దేవస్థానమునకు ధర్మపురి శ్రీ లక్ష్మీనరసింహస్వామి దేవస్థానం పక్షాన ముత్యాల తలంబ్రాలు, పట్టువస్త్రాలు, అనాదిగా వస్తున్న సాంప్రదాయం మేరకు శనివారం ఇల్లంతకుంట ఈ క్షేత్రానికి వెళ్లి అక్కడి ఆలయ అర్చకులు , కార్యనిర్వహణాధికారికి అప్పగించారు.

ఇల్లంతకుంట ఆలయ అర్చకులు అధికారులు మేళతాళాలతో వీరికి ఘన స్వాగతం పలికారు. ఈ కార్యక్రమంలో దేవస్థానం కార్యనిర్వహణాధికారి సంకటాల శ్రీనివాస్ ,వేదపండితులు ముత్యాల శర్మ , రెనవేషన్ కమిటీ సభ్యులు ఇందారపు రామన్న , పల్లెర్ల సురేందర్, అక్కనపల్లి సురేందర్, వేముల నరేష్, చుక్కరవి ,సంగెం సురేష్, సీనియర్ అసిస్టెంట్ అలువాల శ్రీనివాస్ ,జూనియర్ అసిస్టెంట్ తిరుపతి ,పాల్గొన్నారు.

శ్రీ లక్షి నరసింహస్వామి వారికి అనుభంద దేవాలయమైన స్వర్గీయ మాజీ దేవాదాయ శాఖ మంత్రి జువ్వాడి రత్నాకర్ రావు స్వగ్రామమైన తిమ్మాపూర్ లో శనివారం కలషస్థాపన‌ ,విశ్వక్సేనపూజ ,వాసుదేవపుణ్యాహవాచనం , ఋత్విక్ వర్ణపూజ , రక్షాబంధనం ,అంకురార్పణ ,అగ్నిప్రతిష్ఠ , కార్యక్రమాలు నిర్వహించారు.

ఈ కార్యక్రమంలో దేవస్థానం ఉపప్రదాన అర్చకులు నేరెళ్ళ శ్రీనివాసాచార్య , అర్చకులు నేరెళ్ళ విజయ్ కుమార్ ,నంభి అరుణ్ కుమార్ ,నేరెళ్ళ మోహనాచార్య , బొజ్జ రాజగోపాల్ , సూపరింటెండెంట్ కిరణ్ కుమార్ , రెనవేషన్ కమిటి సభ్యులు ఇందారపు రామయ్య , గునిశెట్టి రవీందర్ ,అక్కనపల్లి సురేందర్ , వీరవేణి కొమురయ్య పాల్గొన్నారు.
శ్రీ రామాలయం లో..
ధర్మపురి క్షేత్రంలో గోదావరి నది తీరాన గల అతి పురాతనమైన శ్రీ రామాలయం లో ( తాడూరి వంశీయుల ది) అంగరంగ వైభవంగా శ్రీరామనవమి ఉత్సవాలు చేయుటకు సుందరంగా అలంకరించారు. ఈ ఆలయంలోని శ్రీరామచంద్రమూర్తి విగ్రహానికి మీసాలు కలిగి ఉండడం ఆలయానికి ఎదురుగా హనుమంతుడి గుడి ( హనుమాన్ గడ్డ) ప్రత్యేకత.