మీ చేయూత అభినందనీయం-మంత్రి ఈశ్వర్ !

ఎస్సీ గురుకుల మహిళా కళాశాల భవన నిర్మాణానికి రూ 17 కోట్ల రూపాయల నిధులు ఇవ్వడానికి ముందుకు రావడం అభినందనీయమని మంత్రి కొప్పుల ఈశ్వర్ అన్నారు. కార్పొరేట్ సోషల్ రెస్పాన్సిబిలిటీ (CSR) లో భాగంగా హైదరాబాద్ జగద్గిరిగుట్ట లోని గురుకుల పాఠశాల, కాలేజి భవనానికి (H.A.L) సంస్థ
హెచ్ఎఎల్ అధికారులు నగరంలో శనివారం మంత్రి కొప్పుల ఈశ్వర్ గారిని కలిసి తమ అంగీకార పత్రాన్ని అందజేశారు ఈ సందర్భంగా మంత్రి, ఎస్సీ గురుకుల విద్యా సంస్థల సొసైటీ కార్యదర్శి రోనాల్డ్ రాస్, లు సంతోషం వ్యక్తం చేస్తూ హెచ్ఎఎల్ అధికారులను అభినందించారు, శాలువాతో సత్కరించారు ఈ సందర్భంగా మంత్రి మాట్లాడుతూ సమాజంలోని అన్ని వర్గాల వారిని ఉన్నత విద్యావంతులుగా తీర్చిదిద్దాలనే మహదాశయంతో ముఖ్యమంత్రి కెసిఆర్ గురుకులాలను పెద్ద సంఖ్యలో నెలకొల్పారు. మొత్తం 1,000 గురుకులాలలో సుమారు 6 లక్షల మందికి ఇంగ్లీష్ మీడియంలో నాణ్యతా ప్రమాణాలతో కూడిన విద్యతో పాటు పోషకాహారాన్ని ఉచితంగా అందిస్తున్నం అన్నారు.
అమ్మాయిలు తమ చదువులను మధ్యలోనే ఆపేయకుండా నిరాఘాటంగా కొనసాగించేందుకు గాను వారి కోసం ప్రత్యేకంగా 30డిగ్రీ కాలేజీలను ఏర్పాటు చేశామని మంత్రి వివరించారు. ఇందులో భాగంగా కొనసాగుతున్న జగద్గిరిగుట్ట పాఠశాల, కాలేజీకి శాశ్వత భవనాన్ని సమకూర్చేందుకు గాను కార్పోరేట్ సోషల్ రెస్పాన్సిబిలిటీలో భాగంగా హెచ్ఎఎల్ ముందుకు వచ్చి 17కోట్లు మంజూరు చేయడం సంతోషదాయకం. ఈ విధంగా మరిన్ని సంస్థలు ముందుకు రావలసిన అవసరం ఎంతైనా ఉంది – హెచ్ఎఎల్ అధికారుల సేవా భావాన్ని మంత్రి కొప్పులఈశ్వర్, కార్యదర్శి రోనాల్డ్ రాస్ లు అభినందిస్తూ జనరల్ మేనేజర్ అరుణ్ సర్కాటేను శాలువతో సత్కరించారు.

కార్యక్రమంలో పెద్దపల్లి జెడ్పీ ఛైర్మన్ పుట్టా మధుకర్, హెచ్ఎఎల్ జనరల్ మేనేజర్ అరుణ్ సర్కాటే, అధికారులు రాంకిశోర్, సురేందర్ జీ,జతీందర్ పాల్ కౌర్,ప్రహ్లాద్, గురుకుల విద్యా సంస్థల సొసైటీ అధికారులు హన్మంతు నాయక్, మామిడాల ప్రవీణ్ తదితరులు పాల్గొన్నారు