సమస్యలకు సత్వర పరిష్కారం చూపాలి

సోమవారం జిల్లా కలెక్టర్ క్యాంపు కార్యాలయం నుండి జిల్లా అధికారులతో హరిత హారం, ఈ.జి.ఎస్., దళిత బంధు, వైకుంఠ ధామం, తదితర అంశాలపై జూమ్ మీటింగ్ ద్వారా సమీక్షించారు. ఈ సందర్భంగా జిల్లా కలెక్టర్ మాట్లాడుతూ హరిత హారం కార్యక్రమంలో భాగంగా ఎన్ని మొక్కలు నాటారు, తీసేసిన మొక్కల స్థానంలో మొక్కలు నాటారా లేదా, మొక్కలు తీసేసిన వారిపై ఎందుకు చర్యలు తీసుకోలేదు అని అధికారులను హెచ్చరించారు. మొక్కలకు జియో ట్యాగింగ్ చేయించాలని ఆదేశించారు. ఈ.జి.యస్ పనులలో భాగంగా ఫీల్డ్ తనిఖి కి వెళ్ళినప్పుడు ఎంతమంది కూలీలు ఉంటారో, రోజూ కూడా అంతే మంది కూలీలు ఉండే విధంగా చూడాలని కలెక్టర్ అధికారులను ఆదేశించారు. రిజిష్టర్ లు ఎప్పటికప్పుడు పెండింగ్ లో లేకుండా చెక్ చేసుకోవాలని సూచించారు. దళిత బంధు లబ్దిదారుల జాబితాను వేగవంతంగా పూర్తీ చేసి వెరిఫికేషన్ చేయాలనీ కలెక్టర్ ఆదేశించారు. వైకుంఠ ధామం వైపు వెళ్ళే రోడ్డు గుంతలు లేకుండా సరి చేయించాలని అధికారులను ఆదేశించారు. ఈ- ఆఫీస్ లో వచ్చిన ఫైల్స్ ని వెంట వెంటనే చెక్ చేసి రిపోర్ట్ చేసి వాటిని వేగవంతంగా పూర్తీ చేయాలనీ తెలిపారు. ప్రజావాణి లో వచ్చిన సమస్యలను పెండింగ్ లో లేకుండా వేగవంతంగా పరిష్కరించాలని జిల్లా అధికారులను కలెక్టర్ ఆదేశించారు. మన ఊరు మనబడి కార్యక్రమంలో భాగంగా అధికారులు సమన్వయంతో కలిసి పనిచేసుకోవాలని అధికారులకు సూచించారు. పించన్ కార్డుల జారీ లో జాప్యం జరుగకుండా వెంట వెంటనే లబ్దిదారులకు పంపిణి చేయాలనీ కలెక్టర్ ఆదేశించారు.
ఈ జూమ్ మీటింగ్ లో అదనపు కలెక్టర్లు బి.ఎస్.లత, అరుణ శ్రీ, జిల్లా అధికారులు, తదితరులు పాల్గొన్నారు.