బుధవారం శ్రీకాకుళం జిల్లా, నరసన్నపేటలో..
మీ భూమి– మా హామి..
ఆంధ్రప్రదేశ్ లో
(J.SURENDER KUMAR)
వంద సంవత్సరాల తర్వాత దేశంలోనే తొలిసారిగా చేపట్టిన సమగ్ర భూ రీసర్వేలో భాగంగా, 2వేల గ్రామాల రైతులకు జగనన్న భూ హక్కు పత్రాల పంపిణీ కార్యక్రమం, రాబోయే 15 రోజులలో ఈ 2వేల గ్రామ సచివాలయాల్లో రిజిస్ట్రేషన్‌ సేవలు. శ్రీకాకుళం జిల్లా నరసన్నపేటలో బుధవారం జరగనున్న ఈ కార్యక్రమంలో సీఎం వైఎస్‌ జగన్‌ పాల్గొననున్నారు.
రాష్ట్రవ్యాప్తంగా మహా యజ్ఙాన్ని చేపట్టిన వైఎస్‌ జగన్‌ ప్రభుత్వం
దశలవారీగా రాష్ట్రంలోని భూముల రీసర్వే పూర్తి, రీసర్వే పూర్తయిన గ్రామాల్లో అవసరమైన ప్రక్రియను పూర్తిచేసి ఆయా గ్రామ సచివాలయాల్లో స్ధిరాస్తుల రిజిస్ట్రేషన్ల ప్రక్రియ
రెండు వేల గ్రామాల్లో రీసర్వే సమయంలో, రైతులు దరఖాస్తు చేసుకోకుండా 8–9 నెలల వ్యవధిలో 4.3 లక్షల సబ్‌డివిజన్‌లు మరియు 2 లక్షల మ్యుటేషన్‌లు భూమి మరియు రెవెన్యూ రికార్డులలో జరిగాయి. మీసేవ మరియు గ్రామ సచివాలయాల ద్వారా ప్రతి సంవత్సరం స్వీకరించబడిన 35వేల సబ్‌డివిజన్‌ దరఖాస్తులతో దీనిని పోల్చవచ్చు
అత్యాధునిక సాంకేతికతో రీసర్వే
ప్రతి భూ కమతానికి విడిగా అక్షాంశ, రేఖాంశాలు, విశిష్ట గుర్తింపు సంఖ్య, సమగ్రంగా భూ వివరాలు తెలిపే క్యూఆర్‌ కోడ్‌తో కూడిన భూ కమత పటం భూ యజమానులకు జారీ.
గ్రామ స్ధాయిలో భూ రికార్డులన్నీ క్రోడీకరించి, మ్యాపులు ( భూ కమతాలతో కూడిన గ్రామ పటం) ఇతర భూ రికార్డులు ఇక గ్రామాల్లోనే అందుబాటు
శాశ్వత భూ హక్కు
భూ లావాదేవీలు, బ్యాంకు రుణాలు ఇకపై సులభం
డూప్లికేట్‌ రిజిస్ట్రేషన్లకు ఇక చెక్‌
దళారీ వ్యవస్ధ ఇక రద్దు, లంచాలకు ఇక చోటు లేదు
భద్రత
నకిలీ పత్రాలకు ఇక తావులేదు
భూ యజమానికి తెలియకుండా రికార్డుల్లో ఎలాంటి మార్పులు వీలుపడవు
భూ లావాదేవీల ఆధారంగానే భూ రికార్డుల్లో మార్పులు
అవసరమైన చోట సబ్‌ డివిజన్‌ మార్పులు చేసిన తర్వాతే రిజిస్ట్రేషన్లు
సర్వే ప్రతి అడుగులో భూ యజమానుల భాగస్వామ్యం
మండల మొబైల్‌ మెజిస్ట్రేట్‌ బృందాల ద్వారా అభ్యంతరాల పరిష్కారం
తొలిసారిగా గ్రామ కంఠాల్లోని స్తిరాస్తుల సర్వే మరియు యాజమాన్య ధృవీకరణ పత్రాల జారీ
ఇకపై గ్రామ సచివాలయాల్లో కూడా స్ధిరాస్తుల రిజిస్ట్రేషన్లు
భూ సమాచారాన్ని ఎవరైనా ఎప్పుడైనా ఎక్కడినుంచైనా పొందవచ్చు
భూ వివాదాలకు ఇక చరమగీతం, భూ లావాదేవీలు ఇకపై సులభతరం, వివాద రహితం, ప్రభుత్వ హమీతో కూడిన శాశ్వత భూమి హక్కు పత్రం. మీ భూములు, మీ ఆస్తులు ఇక సురక్షితం.
ఈ ఫ్లాగ్‌షిప్‌ ప్రోగ్రామ్‌ రూ. 1000 కోట్ల కంటే ఎక్కువ అంచనా వ్యయంతో ప్రారంభించబడింది, డిసెంబర్, 2023 నాటికి ప్రాజెక్టును పూర్తి చేయడానికి రాష్ట్ర ప్రభుత్వం కట్టుబడి ఉంది.
దేశంలోనే తొలిసారిగా గ్రామ సచివాలయంలో ఇంటిగ్రేటెడ్‌ సర్వే, రిజిస్ట్రేషన్‌ మరియు మ్యుటేషన్‌ సేవలను అందించే అన్ని భూమికి సంబంధించిన సేవలు ఏకీకృతం చేయబడతాయి, సింగిల్‌ డెస్క్‌ సిస్టమ్‌ (గ్రామ సచివాలయం) పరిధిలోకి వస్తాయి.
సర్వే కోసం దాదాపు 10 వేలమంది ఉద్యోగులు !
రాష్ట్రంలోని సర్వే ఆఫ్‌ ఇండియా, రెవెన్యూ, సర్వే, పంచాయత్‌ రాజ్, మున్సిపల్‌ అడ్మినిస్ట్రేషన్‌ మరియు రిజిస్ట్రేషన్‌ శాఖల సహకారంతో ఈ ప్రాజెక్ట్‌ చేపట్టబడింది.
సర్వే మరియు సెటిల్‌మెంట్‌ విభాగం గ్రామ స్థాయిలో 10,185 మంది గ్రామ సర్వేయర్‌లను నియమించింది, వీరికి అధునాతన రీసర్వే సాంకేతికతలపై 70కి పైగా శిక్షణలు ఇస్తున్నారు. అదనంగా, 1358 మండలæ మొబైల్‌ మేజిస్ట్రేట్‌ (మండలానికి 2) మంజూరు చేయబడ్డాయి; రైతుల భాగస్వామ్యంతో ఈ కార్యక్రమాన్ని చేపట్టేందుకు 2797 మంది గ్రామ రెవెన్యూ అధికారులు, 7033 మంది పంచాయతీ కార్యదర్శులు, 3664 మంది వార్డు ప్రణాళిక కార్యదర్శులను నియమించారు.
7 లక్షల 29 వేల రైతులకు పత్రాలు సిద్ధం!
ఇప్పటివరకు 47,276 చ.కి.మీ పరిధిలోని 6,819 గ్రామాల్లో డ్రోన్‌ ఫ్లయింగ్‌ పూర్తయింది. నేటికి 2000 గ్రామాల్లో రీసర్వే కార్యకలాపాలు పూర్తయ్యాయి మరియు 1835 గ్రామాల్లో 7,29,381 మంది రైతులకు భూ హక్కు పత్రాలు రూపొందించబడ్డాయి.