సిపిఐ జాతీయ కార్యవర్గ సభ్యుడు
చాడ వెంకటరెడ్డి!
J. Surender Kumar,
బడుగు బలహీన వర్గాల సంక్షేమాన్ని, అభివృద్ధిని కాంక్షించాల్సిన కేంద్ర ప్రభుత్వం బలహీన వర్గాలకు మొండి చేయి చూపి బోర్డు సంస్థలకు కొమ్ము కాస్తోందని సీపీఐ జాతీయ కార్యవర్గ సభ్యుడు చాడ వెంకటరెడ్డి అన్నారు. సోమవారం జగిత్యాల ప్రెస్ క్లబ్‌లో ఏర్పాటు చేసిన సమావేశంలో ఆయన మాట్లాడుతూ,
కేంద్రం రెండు రోజుల క్రితం ప్రవేశపెట్టిన బడ్జెట్ కార్పోరేట్‌లకు అనుకూలంగా తయారు చేయబడింది.
కూలి పనులు చేసుకుని కడుపు నింపుకునే కూలీల పొట్ట కొట్టేలా కేంద్రం ఈజీఎస్ పథకానికి రూ. 30 వేల 500 కోట్ల బడ్జెట్ తగ్గించడం దుర్మార్గపు చర్య అన్నారు. అదే కంపెనీలకు వరాలు కురిపించి వారి ఉనికికి కృషి చేస్తున్నామన్నారు. బడుగు, బలహీన వర్గాలకు ఇళ్ల స్థలాలు, పక్కా ఇల్లు, విద్య, వైద్యం, కనీస వసతుల కల్పనలో ప్రభుత్వం పూర్తిగా విఫలమైంది. కేవలం 15 నుంచి 20 ఏళ్లలోపే అదాని కంపెనీ 14 లక్షల కోట్ల రూపాయలకు ఎదగడం వెనుక కేంద్రం పెద్దల హస్తం ఉందని ఆయన ప్రకటించారు.
దాని షేర్ల విలువ పడిపోవడంతో బ్యాంకులకు పెద్ద మొత్తంలో రుణాలు ఎగవేసే అవకాశం ఉంది. కేంద్ర ప్రభుత్వం 12 లక్షల కోట్ల మేర ప్రకటన సంస్థలకు మొండి బకాయి పేరుతో రుణమాఫీ దుర్మార్గమని అన్నారు. అదాని షేర్లు పైన సుప్రీంకోర్టు న్యాయమూర్తి చే విచారణ జరిపించాలని ఆయన డిమాండ్ చేశారు. ప్రతిపక్షాల గొంతును నొక్కేసి ప్రశ్నించకుండా, ఐ. టి, ఇ డి, సిబిఐ కేసులను ప్రతిపక్ష నేతలపై పెడుతూ ప్రభుత్వం ఇబ్బందులకు గురిచేస్తోందన్నారు. రాష్ట్రంలో చాలామందికి నివాస స్థలాలు లేవని, వారందరికీ ఇంటి స్థలం కేటాయించడంతో పాటు ఇల్లు నిర్మించుకునేందుకు ఐదు లక్షల రూపాయలను ప్రభుత్వం అందించింది.
ఈ విషయంలో ఇప్పటికే సీపీఐ ఆధ్వర్యంలో ఆందోళన కార్యక్రమాలు నిర్వహించడం జరిగింది. అర్హులందరికీ రేషన్ కార్డులు జారీ చేయాలి. కొత్త చట్టం తెచ్చి సర్వే నెంబర్ల వారిగా సమగ్ర సర్వే చెప్పిన ప్రభుత్వం ఆ ఊసే ఎత్తడం లేదు అన్నారు. వెంటనే సమగ్ర సర్వే చేపట్టాలని, ధరణి లోపాలను, లొసుగులను సరి చేయాలన్నారు. అసలైన నిరుపేదలకే దళిత బంధు ద్వారా ఆర్థిక సాయం అందించాలని, ఈ విషయాలపై సీఎం కేసీఆర్ వెంటనే స్పందించి తొందరగా పరిష్కరించాలని వెంకటరెడ్డి తెలిపారు. ఈ సమావేశంలో సిపిఐ నాయకులు ఎండి ముక్రం, వెన్న సురేష్ ఉన్నారు.