మరొ కైలాసం .. వేములవాడ రాజన్న నివాసం!
విద్యుత్ కాంతులతో వెలిగిపోతున్న క్షేత్రం
క్షేత్రంనికి పోటెత్తిన భక్తజనం!
J. SURENDER KUMAR,
దక్షిణ కాశీగా ప్రసిద్ధిగాంచిన వేములవాడ శ్రీ రాజరాజేశ్వర స్వామి క్షేత్రం అంగరంగ వైభవంగా ముస్తాబై మరో కైలాసంను తలపిస్తున్నది. విద్యుత్ దీపాల కాంతులతో క్షేత్రం నిండు పున్నమిలా వెలిగిపోతున్నది. మూడు రోజుల పాటు మహాశివరాత్రి పర్వదినం సందర్భంగా జరగనున్న జాతర శుక్రవారం తెల్లవారుజాము నుంచే వేములవాడ క్షేత్రం భక్తజనంతో పోటెత్తింది.
శనివారం ప్రభుత్వ పక్షాన పట్టు వస్త్రాల సమర్పణ!
శనివారం ఉదయం రాష్ట్ర ప్రభుత్వం తరపున దేవాదాయ శాఖ మంత్రి ఎ ఇంద్రకరణ్‌రెడ్డి, ఇతర మంత్రులు కొప్పుల ఈశ్వర్‌, గంగుల కమలాకర్‌, స్థానిక ఎమ్మెల్యే సిహెచ్‌ రమేష్‌బాబుతో కలసి పట్టువస్త్రాలు సమర్పించనున్నారు. అనాదిగా వస్తున్న సంప్రదాయాన్ని కొనసాగిస్తూ టీటీడీ ప్రతినిధులు శివుడికి పట్టువస్త్రాలు సమర్పించనున్నారు.
భక్తుల సౌకర్యార్థం జిల్లా యంత్రాంగం ‘శివరాత్రి జాతర యాప్‌’ను రూపొందించింది. మరోవైపు తెలంగాణలోని వివిధ ప్రాంతాలతో పాటు ఆంధ్రప్రదేశ్, కర్ణాటక, మహారాష్ట్ర, ఛత్తీస్‌గఢ్ వంటి పక్క రాష్ట్రాల నుంచి దాదాపు మూడు నుంచి నాలుగు లక్షల మంది భక్తులు వచ్చే అవకాశం ఉన్నందున ₹ 3.30 కోట్లతో జాతరకు విస్తృత ఏర్పాట్లు చేశారు. మహా శివరాత్రి సందర్భంగా.
ఏర్పాట్లను సమీక్షించేందుకు అధికారులతో సమావేశాలు నిర్వహించిన కలెక్టర్ అనురాగ్ జయంతి, పోలీసు సూపరింటెండెంట్ అఖిల్ మహాజన్, ఆలయ పట్టణాన్ని వేర్వేరు, జోన్లుగా విభజించి వివిధ శాఖల అధికారులకు జోన్‌లు కేటాయించారు.
వివిధ ప్రాంతాల నుంచి ఆర్టీసీ 850 బస్సు లు !
రాష్ట్రంలోని వివిధ ప్రాంతాల నుంచి వేములవాడ క్షేత్రానికి రాకపోకలకు భక్తుల సౌకర్యార్థం 850 బస్సులను నడుపుతున్నారు.
ఉచిత బస్సు సౌకర్యం!
వేములవాడ బస్టాండ్ ( తిప్పాపూర్) నుంచి ఆలయం వరకు యాత్రికులను ఉచితంగా తరలించేందుకు 14 మినీ బస్సులను ఏర్పాటు చేశారు.
అన్ని ఆలయాలతోపాటు ఆలయ పట్టణాన్ని ఆకర్షణీయమైన లైటింగ్‌తో అలంకరించడంతో పాటు భక్తుల సౌకర్యార్థం చలువ పందిళ్లు ఏర్పాటు చేశారు. తాగునీటి సౌకర్యాన్ని ఏర్పాటు చేశారు. భక్తులు స్వామివారిని దర్శించుకునేందుకు ప్రత్యేక క్యూ లైన్లు కూడా ఏర్పాటు చేశారు.
శానిటేషన్‌కు అధిక ప్రాధాన్యత ఇస్తూ ఆలయాన్ని, వేములవాడ మున్సిపల్ అధికారులు తమ సిబ్బందిని పెద్దఎత్తున ఏర్పాటు చేసి ఆలయాన్ని పరిశుభ్రంగా ఉంచుతున్నారు. తాత్కాలిక మరుగుదొడ్లు, బయో యూరినల్స్ కూడా ఏర్పాటు చేశారు.రాజన్న జల ప్రసాదం కేంద్రాలను ప్రారంభించిన ఎమ్మెల్యే
జల ప్రసాదం ప్రారంభం!
ఆలయంలో ఏర్పాటు చేసిన రాజన్న జల ప్రసాదం కేంద్రాలను వేములవాడ ఎమ్మెల్యే చెన్నమనేని రమేష్ బాబు ప్రారంభించారు.
జాతరకు వచ్చే భక్తుల సౌకర్యం ఆలయ పరిసరాల్లో
దివిస్ లాబోరేటరీస్ లిమిటెడ్ సహకారంతో ఏర్పాటుచేసిన
ఆరు జల ప్రసాదం కేంద్రాలను ఏర్పాటు చేశారు.
ఈ కార్యక్రమంలో ఆలయ ఈవో కృష్ణ ప్రసాద్ మున్సిపల్ చైర్ పర్సన్ రామతీర్థం మాధవి తదితరులు పాల్గొన్నారు
భారీ ఏర్పాట్లు !
భక్తులకు వైద్య సహాయం అందించేందుకు అనుబంధ ఆలయాలు, బస్టాండ్ మరియు ఇతర ప్రాంతాలతో సహా వివిధ ప్రదేశాలలో వైద్య శిబిరాలు కూడా ఏర్పాటు చేయబడ్డాయి. ఆలయ ట్యాంక్ ప్రాంతంలో VIP పార్కింగ్ స్థలం మరియు పట్టణంలోని వివిధ ప్రాంతాలలో సాధారణ పార్కింగ్ స్థలాలు కూడా ఏర్పాటు చేశారు. శాంతిభద్రతల పరిరక్షణకు వివిధ కేడర్‌లకు చెందిన 1,200 మంది పోలీసు సిబ్బందిని నియమించారు. ఆలయ పట్టణం అంతటా సీసీ కెమెరాలు కూడా ఏర్పాటు చేశారు.
శివార్చన సాంస్కృతిక కార్యక్రమాలను నిర్వహించడానికి ఆలయ ట్యాంక్ పార్కింగ్ స్థలంలో భారీ వేదిక మరియు ఇతర ఏర్పాట్లు చేయబడ్డాయి.
భక్తుల సౌకర్యార్థం అన్ని ఏర్పాట్లు చేసినట్లు ఆలయ కార్యనిర్వహణాధికారి కృష్ణప్రసాద్‌ తెలిపారు. క్యూలైన్లలో నిల్చున్న భక్తులకు తాగునీరు, మజ్జిగ సరఫరా చేస్తామని తెలిపారు.