ధర్మపురి ఆలయంలో… అర్చకులను, వేద పండితులను వేధిస్తున్నది ఎవరు ?

అధికారా ? అవుట్ సోర్స్ ఉద్యోగా ?

సనాతన సాంప్రదాయం కు మంగళ !

సీఎం కేసీఆర్ ఇష్టదైవ ఆలయంలో ఇష్టారాజ్యం!

J.SURENDER KUMAR,

ప్రసిద్ధ పుణ్యక్షేత్రమైన ధర్మపురి శ్రీ లక్ష్మీనరసింహస్వామి ఆలయంలో కొందరు అర్చకులు, వేద పండితులు, తీవ్ర మానసిక వేదనకు గురవుతున్నారు. వేదనకు గురి చేస్తున్నది అధికారా ? ఔట్సోర్స్ ఉద్యోగి నిత్య నివేదికలు కారణమా ? అనే అంశం విజిలెన్స్ విచారణ జరిపితే కానీ వెలుగు చూసే అవకాశం లేదు. శతాబ్దాలుగా స్వామివారికి నిత్యం పంచోపనిషత్తులతో అభిషేక నిర్వహించే పురోహితులను, పంచోపనిషత్తులు. ఉచ్చరించకుండా, కేవలం శాశ్వత అభిషేక , టికెట్టు కొనుగోలు చేసిన భక్తుల గోత్రనామాలతో సంకల్పాలు మాత్రమే చేయాలి, అంటూ వారికి మౌఖిక ఆదేశాలు జారీ చేసినట్టు సమాచారం. సామవేద పారాయణదారుడు, స్వామి వారి అభిషేక సమయములో ఉదయం 6 నుంచి 8 గంటల వరకు మైకు ద్వారా యజుర్వేదం ( పంచోపనిషత్తులు) చెప్పాల్సిందిగా ఆలయ అధికారి సామవేద పారాయణదారుడికి జారీ చేసిన ఉత్తర్వులు పేర్కొన్నారు.

తాత ముత్తాతల కాలంగా. ధర్మపురి క్షేత్రానికి, గోదావరి నది తీరంకు, ఆలయానికి, వంశపార్యం పురోహితులుగా కొనసాగుతున్న వారిని స్వామివారి అభిషేకం సందర్భంగా అభిషేక పురోహితులుగా నియమితులైన వారిని పంచోపనిషత్తులు చెప్పకుండా అడ్డుకోవడం సనాతన సాంప్రదాయానికి మంగళం పాడినట్టే నే చర్చ నెలకుంది. ఇది ఇలా ఉండగా సనాతనంగా బొజ్జ వంశీయులు స్వామివారి అభిషేక సమయంలో ఉచ్చరించే పంచోపనిషత్తులను అభిషేక పురోహితులుగా నియమించబడ్డ వారిని గత నాలుగు రోజులుగా శనివారం నాటి వరకు దూరం పెట్టడంతో క్షేత్ర వాసులు, భక్తులు అధికారుల చర్యలను అసహ్యించుకుంటున్నారు

PRC పేరిట వసూళ్లే ముసలంకు కారణమా ?
ఆలయ ఉద్యోగులు, అర్చకులు, వేద పండితులకు PRC వేతన అమలు సిఫారసు D.C కార్యాలయ ఖర్చులకోసం ఒక్కొక్కరి వద్ద ₹6000/- (అరు వేల రూపాయలు) 30 మందికి పైగా ఓ ఉద్యోగి వారి నుంచి వసూలు చేసినట్లు సమాచారం. నిబంధనలు, సర్వీసు రూల్స్ కు విరుద్ధంగా తాను పిఆర్సి వేతనం కోసం సిఫారసు చేయను. అంటూ ఆ శాఖ వరంగల్ ఉన్నతాధికారి. ధర్మపురి ఆలయ ఫైల్ తో పాటు, మరికొన్ని ఆలయాల ఫైల్స్ ను తిరస్కరించారు. ఈ నేపథ్యంలో ధర్మపురి ఆలయ అర్చకులు, వేద పండితులు, స్థానిక మంత్రి ని, ఆర్థిక మంత్రిని కలిసి PRC వేతన అమలు కోసం అనేకసార్లు కోరారు. స్థానిక మంత్రి సిఫారసుల మేరకు దేవాదాయ శాఖ కమిషనర్ వద్దకు వెళ్లి మొరపెట్టుకున్నారు. స్పందించిన కమిషనర్
డిప్యూటీ కమిషనర్ సిఫారసు లేకుండానే. నిబంధనల మేరకు PRC నీ అమలు చేశారు.
అయితే ఖర్చుల పేరిట వసూలు చేసిన ₹ 1,80 వేలు ( ఒక లక్ష ఎనబై వేలు) ఏం చేశారని? సరెండర్ లీవ్, వేతనం కోల్పోయామని, ఏరియర్స్ తమ ఖాతాలో జమ కాలేదని కొందరు ఉద్యోగులు.. ఓ ప్రముఖుడి ముందు ఆవేదన వ్యక్తం చేశారు. దీంతో PRC ఖర్చుల పేరిట వసూలు సొమ్ము ఏమైందని, బాధ్యులను ప్రముఖుడు ప్రశ్నించినట్లు సమాచారం. దీంతో సదరు బాధ్యుడు తమకు డబ్బు ఎవరిచ్చారు? అంటూ అసభ్య పదజాలంతో ఆగ్రహం వ్యక్తం చేస్తూ తమను అపాఖ్యాతి చేస్తున్నారు అనే కక్షతో కొందరు అర్చకులను, ఉద్యోగులను, వేద పండితులను వేధింపులకు గురి చేస్తున్నారనే ఆరోపణలు వినిపిస్తున్నాయి.
దేవాదాయ శాఖ ఉన్నతాధికారులు, ప్రజాప్రతినిధులు, స్థానికులు జోక్యం చేసుకొని సనాతన సాంప్రదాయ ప్రకారమే స్వామివారికి అభిషేకం పూజాది కార్యక్రమాలు కొనసాగుల చర్యలు చేపట్టాల్సిన అవసరం ఎంతైనా ఉంది.