మరో ఇద్దరి కోసం జల్లెడ పడుతున్న NIA
J.SURENDER KUMAR.
నిజామాబాద్ ఉగ్రదాడి కుట్ర కేసులో ప్రమేయం ఉన్న నంద్యాలకు చెందిన నొస్సం మహమ్మద్ యూనస్ @ యూనస్ ( 33 ) ను పాపులర్ ఫ్రంట్ ఆఫ్ ఇండియా (పీఎఫ్‌ఐ) మాస్టర్ వెపన్స్ ట్రైనర్‌ను నేషనల్ ఇన్వెస్టిగేషన్ ఏజెన్సీ (ఎన్ఐఏ) కర్ణాటకలో మంగళవారం అరెస్టు చేసింది.
ఆంధ్రప్రదేశ్ లోని నంద్యాలకు చెందిన నొస్సం మహమ్మద్ యూనస్ @ యూనస్ తన అన్నయ్యకు చెందిన ఇన్వర్టర్ వ్యాపారంలో పనిచేసేవాడు. సెప్టెంబర్ 2022లో అతని ఇంటిని N I A సోదా చేసినప్పుడు, తన భార్య ఇద్దరు మైనర్ కొడుకులతో పాటు పరారీలో ఉన్నట్లు NIA అధికారుల కథనం.
కర్ణాటకలోని బళ్లారి జిల్లాలోని కౌల్ బజార్ ప్రాంతంలో తల దాచుకుంటున్నాడని, అక్కడ అతను బషీర్ అనే పేరుతో మరియు ప్లంబర్‌గా కొత్త వృత్తి లో కొనసాగేవాడని NIA దర్యాప్తులో వెల్లడైంది. యూనస్, మాస్టర్ వెపన్ ట్రైనర్, మరియు ఆంధ్ర ప్రదేశ్ , తెలంగాణ ప్రాంతంలో PFI ద్వారా రిక్రూట్ చేయబడిన యువతకు ఆయుధ శిక్షణను అందించేవాడు. నిజామాబాద్ లో నమోదైన పీఎఫ్‌ఐ కేసులో ఈ రెండు రాష్ట్రాలకు PFI. ట్రైనింగ్ స్టేట్ కోఆర్డినేటర్‌గా కూడా ఉన్నారు.
భారతదేశంలో ఇస్లామిక్ పాలనను స్థాపించాలనే అంతిమ లక్ష్యంతో ఉగ్రవాద కార్యకలాపాలను ప్రోత్సహించడానికి, నిర్వహించడానికి యువతను రిక్రూట్ చేయడానికి, మరియు రాడికలైజ్ చేయడానికి వారికి ఆయుధ శిక్షణను అందించడానికి ప్రస్తుతం నిషేధించబడిన సంస్థ PFI యొక్క నాయకులు మరియు కార్యకర్తలు పన్నిన నేరపూరిత కుట్రకు సంబంధించినది. NIA విచారణలో యూనస్, PFI ఆయుధాల శిక్షణ కార్యక్రమంలో పాల్గొన్న షేక్ ఇలియాస్ అహ్మద్‌ను కూడా పేర్కొన్నాడు. ఇలియాస్ ప్రస్తుతం పరారీలో ఉన్నాడు.
తెలంగాణా పోలీసులు 4 జూలై, 2022న ఈ కేసులో ఎఫ్‌ఐఆర్ నమోదు చేశారు. ఈ కేసును NIA విచారణ చేపట్టి (RC-03/2022/NIA/HYD)గా తిరిగి నమోదు చేసింది. ఈ కేసులో ఇప్పటి వరకు 16 మంది నిందితులపై ఎన్ఐఏ రెండు ఛార్జిషీట్లు దాఖలు చేసింది.