👉తెలంగాణ హైకోర్టు సంచలన తీర్పు!
👉వనమా వెంకటేశ్వర రావు ఎన్నిక చెల్లదంటూ ప్రకటన చేసింది కోర్టు.
J.SURENDER KUMAR
స్వర్గీయ మాజీ ముఖ్యమంత్రి జలగం వెంగళరావు తనయుడు జలగం వెంకట్రావు ఖమ్మం జిల్లా కొత్తగూడెం ఎమ్మెల్యేగా 2018 సంవత్సరం నుంచి పరిగణిస్తున్నట్టు తెలంగాణ హైకోర్టు మంగళవారం సంచలన తీర్పించింది. బీఆర్ఎస్ ఎమ్మెల్యే వనమా వెంకటేశ్వరరావు ఎమ్మెల్యే ఎన్నిక చెల్లదు అంటూ న్యాయస్థానం తీర్పునిచ్చింది. 2014 ఎన్నికలలో ఖమ్మం జిల్లాలో బీఆర్ఎస్ పార్టీ పక్షాన గెలిచిన ఏకైక ఎమ్మెల్యే జలగం వెంకట్రావు.
దీంతో రెండో స్థానంలో ఉన్న జలగం వెంకట్రావును కొత్తగూడెం ఎమ్మెల్యేగా ప్రకటించింది కోర్టు. వనమా వెంకటేశ్వర్ రావు గెలుపును సవాల్ చేస్తూ 2018 లో హైకోర్టును ఆశ్రయించారు జలగం. ఎన్నికల అఫిడవిట్ లో తప్పుడు నివేదిక సమర్పించారని ఫిర్యాదులో పేర్కొన్నారు జలగం వెంకట్రావ్. అయితే.. సమగ్ర విచారణ అనంతరం వనమా వెంకటేశ్వర్ రావు ఎన్నిక చెల్లదని తీర్పు నిచ్ఛింది హైకోర్టు. ఇక ఆయన సమీప అభ్యర్ధిగా జలగం వెంకటరావును విజేతగా ప్రకటించింది కోర్టు.