👉నేటికీ భిక్షాటన చేస్తూనే….
J.SURENDER KUMAR,
“బిచ్చగాడు” అనే పదం నిరుపేదలు, చిరిగిన, పాత దుస్తులు ధరించి, చిందరవందరగా జుట్టు కలిగి ఉన్న వ్యక్తులు అనే రూపం, మనకు, మన ఆలోచనల కు గుర్తుకు తెస్తుంది. అయితే, కొంతమంది భిక్షాటనను విజయవంతమైన ప్రతి ఫలదాయకమైన వ్యాపారంగా మార్చడం ద్వారా కోటీశ్వరులు స్థాయికి చేరుకున్నారు. వారిలో భరత్ జైన్ అనే బిచ్చగాడు ప్రపంచంలో నే సంపన్న బిచ్చగాడుగా , అతడి ఆస్తుల విలువ.₹ 7.5. కోట్లుగా గుర్తించారు.
వివరాల్లోకి వెళితే…
ఎకనామిక్ టైమ్స్ నివేదిక ప్రకారం భరత్ జైన్ ప్రపంచంలోనే అత్యంత సంపన్న బిచ్చగాడు,
నివేదికల ప్రకారం, ఇప్పటికీ మహారాష్ట్ర రాజధాని నగరమైన ముంబైలోని రద్దీగా ఉండే వీధుల్లో అడుక్కుంటూనే ఉంటాడు.
ముంబై వీధుల్లో భిక్షాటన చేయడాన్ని నేటికీ కనిపిస్తుంది. వివాహితుడైన జైన్‌కు భార్య, ఇద్దరు అబ్బాయిలు, అతని సోదరుడు, మరియు అతని తండ్రి ఉన్న కుటుంబం ఉంది. ఆర్థిక ఇబ్బందుల కారణంగా తన చిన్నతనంలో పాఠశాల విద్యను కొనసాగించ లేకపోయాడు. జైన్ ప్రస్తుతం నికర విలువ ₹ 7.5 కోట్లు ఆస్తులను సంపాదించారు. భిక్షాటన ద్వారా అతని నెలకు ఆదాయం ₹.60,000 నుండి ₹ 75,000 వరకు ఉంటుంది.
అదనంగా, అతను థానేలో నెలకు ₹ 30,000 పొందే రెండు రిటైల్ సంస్థలను మరియు ₹ 1.2 కోట్ల విలువైన ముంబైలో 2BHK ఫ్లాట్‌ను కలిగి ఉన్నాడు. సర్వే నివేదికల ప్రకారం, జైన్ ముంబైలోని ఆజాద్ మైదాన్ , ఛత్రపతి శివాజీ మహారాజ్ టెర్మినస్ (CSMT) వంటి ప్రముఖ రద్దీగా ఉండే ప్రాంతాలలో అడుక్కునేవాడు.
కోట్లాది రూపాయల ఆస్తికి యజమాని అయినప్పటికీ జైన్ ముంబై వీధుల్లో భిక్షాటన చేస్తూనే ఉన్నాడు . భారతీయుల దయతో జైన్ 10 నుండి 12 గంటల వ్యవధిలో రోజుకు ₹ 2,000 నుండి ₹.2,500 వరకు సంపాదిస్తున్నాడు.
పరేల్‌లోని 1BHK డ్యూప్లెక్స్ లో జైన్ అతని కుటుంబానికి నివాసం. పిల్లలు కాన్వెంట్ స్కూల్లో చదువు పూర్తి చేశారు. అతని ఇతర బంధువులు స్టేషనరీ దుకాణం నడుపుతున్నారు. వారు భిక్షాటన మానేయమని జైన్‌కు నిరంతరం చెబుతుంటారు, కానీ అతను వారి మాటలు వినకుండా బిక్షాటన కొనసాగిస్తున్నారు.
(OpIndia. సౌజన్యంతో)