శ్రీ కొండగట్టు అంజన్న చూపు..
ఎవరి వైపు..?

J.SURENDER KUMAR,

ప్రాంతీయ, జాతీయ రాజకీయ పార్టీల నాయకులు శ్రీ కొండగట్టు అంజన్న స్వామి దర్శనం కోసం తరలివస్తు తమ పార్టీలు పవర్ లోకి రావాలి అంటూ మొక్కుకుంటున్న. శ్రీ ఆంజనేయ స్వామి చూపు ఎవరు వైపు, ఏ పార్టీ వైపు ఉంటుందో అనే చర్చ మొదలైంది.

వివరాల్లోకి వెళితే..
అఖిల భారత కాంగ్రెస్ పార్టీ మాజీ అధ్యక్షుడు, ఎంపీ రాహుల్ గాంధీ, ఆయన సోదరి ప్రియాంక గాంధీ ఈనెల 18 న ప్రముఖ పుణ్యక్షేత్రమైన కొండగట్టు శ్రీ ఆంజనేయ స్వామి దర్శనంతో తెలంగాణలో. కాంగ్రెస్ పార్టీ బస్సు యాత్ర ప్రారంభించనున్నారు.

కొండగట్టు పుణ్యక్షేత్రంను రాహుల్ గాంధీతో పాటు, ఆ పార్టీ జాతీయ నాయకులు సైతం, కొండగట్టు క్షేత్రానికి రానున్నారనే వార్తలు , స్థానిక జాతీయ ప్రచార మాధ్యమాలలో రావడంతో , కొండగట్టు శ్రీ ఆంజనేయ స్వామి మహిమలు, మహత్యం గూర్చి యావత్ దేశంలో ఆత్రుత, ఆసక్తి నెలకొంది. శ్రీ ఆంజనేయ స్వామి పవిత్ర ‘హనుమాన్ దీక్షలతో’ ఈ క్షేత్రం ఈపాటికే ఎనలేని ప్రముఖ పుణ్యక్షేత్రంగా ప్రాచుర్యం పొందిన విషయం తెలిసిందే.

👉 సీఎం కేసీఆర్ కొండగట్టు క్షేత్ర అభివృద్ధి కోసం ₹1000 నిధులతో కొండగట్టు క్షేత్ర అభివృద్ధి పనుల భూమి పూజ కోసం, 2023, ఫిబ్రవరి 15న స్వామివారిని దర్శించుకుని ప్రత్యేక పూజలు చేశారు.

👉 కరీంనగర్ పార్లమెంటు సభ్యుడు, నాటి రాష్ట్ర బిజెపి పార్టీ అధ్యక్షులు బండి సంజయ్ 2021 ఆగస్టు 24న ప్రారంభించిన ‘ ప్రజా సంగ్రామ యాత్ర’ కు. ముందు ఆగస్టు 16న కొండగట్టులో ప్రత్యేక పూజలు చేసి యాత్రకు స్వీకారం చుట్టారు.

👉 తెలంగాణ ప్రదేశ్ కాంగ్రెస్ కమిటీ అధ్యక్షుడు ఎంపీ రేవంత్ రెడ్డి 2023 మార్చ్ 6న శ్రీ కొండగట్టు ఆంజనేయ స్వామి దర్శించు ప్రత్యేక పూజలు చేశారు.

👉 ప్రముఖ హీరో జనసేన పార్టీ వ్యవస్థాపక అధ్యక్షుడు పవన్ కళ్యాణ్ తన ఎన్నికల ప్రచార వాహనం ‘వారాహి’ వాహనం పూజ కోసం ఆయన కొండగట్టు ఆంజనేయ స్వామి దర్శించుకుని ప్రత్యేక పూజలు చేశారు.

👉 సీఎం కేసీఆర్ కూతురు ఎమ్మెల్సీ కల్వకుంట్ల కవిత, కొండగట్టు క్షేత్రంలో ₹ 90 లక్షల వ్యయంతో శ్రీరామ స్తూప నిర్మాణం కోసం భూమి పూజ చేశారు. ఆమె అనేకసార్లు స్వామివారిని దర్శించుకుని పూజలు చేశారు.

👉 దీనికి తోడు 2018 సెప్టెంబర్ లో. కొండగట్టు ఆర్టిసి బస్సు ప్రమాదంలో దాదాపు 60 మంది ప్రయాణికులు ప్రాణాలు కోల్పోయిన విషయం. విధితమే. డిసెంబర్ 4న అంజన్న చూపు ఎవరి వైపు ఉందో స్పష్టం కానున్నది.