J.SURENDER KUMAR,
దేశ రాజధాని ఢిల్లీ నగరంలో తెలంగాణ ముఖ్యమంత్రి రేవంత్ రెడ్డి అధికార నివాసం తుగ్లక్ రోడ్ లోనీ 23వ నెంబర్ బంగ్లా.
గత 20 సంవత్సరాలుగా మాజీ సీఎం కేసీఆర్ అధికారిక నివాసంగా ఉన్న తుగ్లక్ రోడ్డులోని 23వ. నెంబర్ బంగ్లా, శాసనసభ ఎన్నికల్లో ఓటమి తర్వాత బంగ్లా ఖాళీ చేసి కేసీఆర్ వ్యక్తిగత వస్తువులను వేరే చోటుకు ఆయన సిబ్బంది తరలించారు.
2004 నుంచి 2014 వరకు ఎంపీగా, మంత్రిగా తుగ్లక్ రోడ్డు నివాసం నుంచే ఆయన కార్యకలాపాలు జరిపేవారు. ఆ తర్వాత 2014 నుంచి 2023 డిసెంబరు తొలి వారం వరకు ముఖ్యమంత్రి హోదాలో కేసీఆర్ అధికారిక నివాసంగా తుగ్లక్ రోడ్డు బంగ్లా ఉండేది. ఈ ఎన్నికల ఫలితాల అనంతరం బంగ్లా ఖాళీ చేసి తెలంగాణ భవన్ అధికారులకు మాజీ సీఎం కేసీఆర్ సిబ్బంది బంగ్లాను అప్పజెప్పారు. రేవంత్ రెడ్డి సీఎంగా ప్రమాణ స్వీకారం చేసిన తర్వాత మంగళవారం తొలిసారి బంగ్లాను సందర్శించారు. ప్రస్తుతం రేవంత్ రెడ్డి నివాసం ఉన్న ఎంఎస్ ఫ్లాట్స్ యమున అపార్టుమెంటులో 902 ఫ్లాట్ను త్వరలో ఖాళీ చేయనున్నట్లు సమాచారం. తుగ్లక్ బంగ్లాలో మార్పులు చేర్పులు చేసిన తర్వాత పూజలు చేసి అధికారికంగా బంగ్లాను సీఎం రేవంత్ రెడ్డి వినియోగించుకోవాలనే యోచనలో ఉన్నట్లు సమాచారం.