J.SURENDER KUMAR,
శబరిమల క్షేత్రంలో సోమవారం సాయంత్రం దర్శనము ఇవ్వనున్న పవిత్ర జ్యోతిని దర్శించుకోవడం కోసం లక్షలాదిమంది అయ్యప్ప స్వాములు రాకతో ఆదివారం సాయంత్రమే శబరిమల పోటెత్తింది.
‘వీరి’ ( తాత్కాలిక గుడారాలు) లో అయ్యప్ప స్వాములు బస చేశారు. అయ్యప్ప శరణు ఘోషతో భజనలతో శబరిమలై మారుమోగుతున్నది. 15న జరిగే ఉత్సవాలకు దాదా రెండు లక్షల మంది హాజరవుతారని ట్రావెన్‌కోర్ దేవస్వం బోర్డు (TDB) అంచనా వేస్తోంది
దట్టమైన అడవి పొన్నంబలమేడులో అగుపించే మకరజ్యోతి నీ దర్శించుకోవడానికి కొండలో 10 పాయింట్లను బోర్డు ఏర్పాటు చేసింది.
తిరువాభరణం
తిరువాభరణం (పవిత్ర ఆభరణాలు) ఊరేగింపు సోమవారం సాయంత్రానికి సన్నిధానానికి చేరుకుంటుంది. TDB ఆభరణాల పెట్టెలకు మొదట శరంకుతి వద్ద మరియు తరువాత సన్నిధానం వద్ద స్వాగతాన్ని అందజేస్తుంది. పూజ క్రతువుకు ముందుగా పీఠాధిపతిని తిరువాభరణంతో అలంకరిస్తారు.
వర్చువల్ క్యూ బుకింగ్‌లు
అధికారులు మంగళవారం వర్చువల్ క్యూ బుకింగ్‌లను 50,000 కి పరిమితం చేశారు, జనవరి 17 నుండి 20 వరకు, రోజుకు వర్చువల్ క్యూ బుకింగ్‌లను 70,000 కు పెంచారు. జనవరి 10 నుంచి నిలిపివేసిన స్పాట్ బుకింగ్ సదుపాయాన్ని మంగళవారం నుంచి పునరుద్ధరించనున్నారు. జనవరి 20 సాయంత్రం వరకు యాత్రికులు కొండపైకి వెళ్లేందుకు అనుమతిస్తారు. జనవరి 21 ఉదయం పందళం రాజకుటుంబం ప్రతినిధి ఆలయాన్ని సందర్శించడంతో మూలవిరాట్ అయ్యప్ప స్వామికి మేళతాంత్రి ప్రత్యేక పూజలు చేసి మూసివేస్తారు.
80 లక్షల బిస్కెట్ ప్యాకెట్లు!
“తమిళనాడు ప్రభుత్వం అయ్యప్ప స్వాముల కోసం 80 లక్షల బిస్కెట్ల ప్యాకెట్ల స్టాక్‌ను శబరి కి పంపించారు. రోజుకు మూడుసార్లు ఉచిత భోజనంతో పాటు ఔషధ నీటి పంపిణీని చేస్తున్నామని అని టిడిబి అధ్యక్షుడు పిఎస్ ప్రశాంత్ వివరించారు
హోటళ్లను తనిఖీ చేశారు
మకరవిళక్కు ముందస్తు భద్రత చర్యలలో భాగంగా పతనంతిట్ట జిల్లా కలెక్టర్‌ ఎ. శిబు నేతృత్వంలోని బృందం ఆదివారం పంపా, నిలక్కల్‌ బేస్‌ క్యాంపుల్లో, పనిచేస్తున్న హోటళ్లు, దుకాణాలను తనిఖీ చేసింది. వంటగ్యాస్ వినియోగిస్తున్న సంస్థల్లోనూ తనిఖీలు చేపట్టారు. అయ్యప్ప స్వాములు విడిది చేసే అన్ని పాయింట్ల వద్ద అగ్నిమాపక యంత్రాలు మరియు ఫైర్ అండ్ రెస్క్యూ సర్వీసెస్ సిబ్బంది సేవలను ఏర్పాటు చేశారు.