J.SURENDER KUMAR,
తిరుమలలోని నాద నీరాజనం వేదికపై ఆదివారం ఉదయం జరిగిన అయోధ్యకాండ అఖండ పారాయణం 6వ భాగంగా ప్రపంచ భక్తుల కోసం ఉదయం 7 నుండి 9 గంటల మధ్య SVBC ద్వారా ప్రత్యక్ష ప్రసారం చేయబడింది.
అయోధ్య కాండలోని 18 నుండి 21వ సర్గ వరకు 199 శ్లోకాలు, యోగవాసిష్టం మరియు ధన్వంతరి మహామంత్రం నుండి 25 శ్లోకాలు సహా మొత్తం 224 శ్లోకాలు పఠించబడ్డాయి.
ధర్మగిరి వేదపండితులు డాక్టర్ కె. రామానుజాచార్యులు, అనంత గోపాలకృష్ణ, డాక్టర్ మారుతి శ్లోకాలు పఠించారు. ఈ అఖండ పారాయణంలో ధర్మగిరి, ఎస్వీ వేద విశ్వవిద్యాలయం అధ్యాపకులు, వేద పండితులు, ఎస్వీ ఉన్నత వేద అధ్యయనాలు, జాతీయ సంస్కృత విశ్వవిద్యాలయం విద్యార్థులు, పండితులు పాల్గొన్నారు.
ఈ సందర్భంగా అన్నమాచార్య ప్రాజెక్టు కళాకారులు శ్రీనివాస్ నేతృత్వంలోని బృందం కార్యక్రమం ప్రారంభంలో రామదాసు కీర్తన, చివర్లో రాముని భజన సేయవే మనసా.. అంటూ రాగయుక్తంగా ఆలపించారు. . ఈ కార్యక్రమంలో టీటీడీ అధికారులు, పండితులు, భక్తులు అధిక సంఖ్యలో పాల్గొన్నారు.