👉తిహారి జైలు నుంచి న్యాయమూర్తి లేఖ..
J.SURENDER KUMAR,
సాక్షులను బెదిరిస్తున్నట్టు నాపై ఆరోపణలు చేస్తున్న ఈ డీ, మా పార్టీ అధికారంలో ఉన్నప్పుడు ఎందుకు అరెస్టు చేయలేదు?
అని ఎమ్మెల్సీ కల్వకుంట్ల కవిత ర్యాస్ అవెన్యూ కోర్ట్ న్యాయమూర్తికి రాసిన లేఖలో ఆవేదన వ్యక్తం చేశారు.
ఢిల్లీ లిక్కర్ కుంభకోణంలో జ్యుడీషియల్ కస్టడీలో ఉన్న ఎమ్మెల్సీ కవితను తిహారి జైలు నుంచి మంగళవారం ఢిల్లీలోని అవెన్యూ కోర్టులో. హాజరు పరిచారు.
న్యాయమూర్తి ఈనెల 23 వరకు కవిత జ్యుడీషియల్ కస్టడీని పొడగించారు.
ఈ సందర్భంగా ఆమె న్యాయమూర్తి రాసిన లేఖ ప్రచార మాధ్యమాల్లో చక్కర్లు కొడుతున్నది. కవిత స్వ దస్తూరి తో ఇంగ్లీషులో రాసిన లేఖలో అంశాలు ఇలా ఉన్నాయి..
👉ఢిల్లీ లిక్కర్ కేసులో నేను బాధితురాలిని
నాకు ఈ కేసుతో ఎలాంటి సంబంధం లేదు
👉దర్యాప్తు సంస్థలు చెబుతున్నట్టు ఆర్థికంగా ఎలాంటి లబ్ది నాకు చేకూరలేదు
👉సిబిఐ, ఈడి దర్యాప్తు కంటే మీడియా విచారణ రెండున్నర ఏళ్లుగా జరిగింది
👉రాజకీయంగా, వ్యక్తిగతంగా నా ప్రతిష్టను దెబ్బతీసేలా వ్యవహరించారు
👉నా మొబైల్ నెంబర్ ను టీవీ ఛానల్ లలో ప్రసారం చేసి నా ప్రైవసీని దెబ్బతీశారు
👉నాలుగు పర్యాయాలు విచారణకు హాజరయ్యాను. బ్యాంకు వివరాలు సైతం ఇచ్చి విచారణకు అన్ని విధాలా సహకరించాను.
👉దర్యాప్తు సంస్థకు నా మొబైల్ ఫోన్లు అన్నీ అందజేశాను
కానీ వాటిని ధ్వంసం చేసినట్టు నాపై తప్పుడు ఆరోపణలు చేస్తున్నారు
👉గత రెండున్నరేళ్లుగా కేసులో భాగంగా అనేక సోదాలు జరిపారు. భౌతికంగా, మానసికంగా వేధింపులకు గురిచేశారు. చాలామందిని అరెస్ట్ చేశారు. వాంగ్మూలాలు తరచూ మార్చుతూ వచ్చిన వారిని ఆధారంగా చేసుకుని కేసును నడిపిస్తున్నారు
👉ఎలాంటి ఆధారాలు లేకపోయినా నన్ను ఇప్పుడు అరెస్టు చేశారు.
👉రెండున్నర ఏళ్ల విఫల దర్యాప్తు అనంతరం ఈడి నన్ను అరెస్ట్ చేసింది
👉సుప్రీంకోర్టులో కఠిన చర్యలు తీసుకోబోమని చెప్పి నన్ను అరెస్ట్ చేసింది
👉95% కేసులు అన్నీ ప్రతిపక్ష పార్టీల నేతలకు సంబంధించినవే
👉బీజేపీలోకి చేరిన వెంటనే ఆ కేసుల విచారణ ఆగిపోతుంది
👉పార్లమెంటు సాక్షిగా బిజెపి నేతలు విపక్ష నేతలను ఉద్దేశించి “నోరు మూసుకోండి లేదా ఈడి ను పంపుతాం” అన్నారు.
👉ఇలాంటి దారుణ పరిస్థితుల్లో విపక్ష పార్టీలన్నీ న్యాయవ్యవస్థ వైపు చూస్తున్నాయి. న్యాయవ్యవస్థ ఉపశమనం కల్పిస్తుందని ఆశతో ఉన్నాము. కేసు దర్యాప్తునకు సహకరించేందుకు నేను పూర్తి సిద్ధంగా ఉన్నాను.
👉ఈ పరిస్థితుల్లో నాకు బెయిల్ మంజూరు చేయాలని అభ్యర్థిస్తున్నానునా చిన్న కుమారుడు పరీక్షలకు సిద్ధపడుతున్న సమయంలో తల్లిగా నేను తనతో ఉండాలి. నా పాత్రను ఎవరు భర్తీ చేయలేరు.
👉నేను లేకపోవడంతో నా కుమారుడిపై ప్రతికూల ప్రభావం పడుతుందని ఆందోళన చెందుతున్నాను.
👉నా బెయిల్ అభ్యర్థనను పరిశీలించాల్సిందిగా మళ్లీ కోరుతున్నాను.
అంటూ లేఖలో పేర్కొన్నారు.