J.SURENDER KUMAR,
శ్రీ తిరుమల ఆలయంలో తిరుమల తిరుపతి దేవస్థానం నూతన కార్యనిర్వహణాధికారిగా ఆదివారం టీటీడీ ఈవో (ఎఫ్ఏసీ) ఎవి ధర్మారెడ్డి నుంచి జె.శ్యామలరావు బాధ్యతలు స్వీకరించారు. అనంతరం ఈఓ తన జీవిత భాగస్వామితో కలిసి గర్భగుడిలోని శ్రీవేంకటేశ్వర స్వామిని దర్శించుకున్నారు.
తిరుమల ఆలయ ప్రధాన అర్చకుల్లో ఒకరైన వేణుగోపాల దీక్షితులు ఆయనకు శ్రీవేంకటేశ్వర స్వామివారి పీఠాధిపతి విశిష్టతను తెలియజేశారు. దర్శనానంతరం నూతన ఈఓకు వేదపండితులు వేదాశీర్వచనం అందించి తీర్థప్రసాదాలు, శ్రీవారి ల్యామినేట్‌ ఫొటో తదితరాలను అందజేశారు.
ముందుగా ఆలయ సంప్రదాయాన్ని అనుసరించి ఈఓ తొలుత భూ వరాహస్వామి ఆలయంలో పూజలు చేసి వైకుంఠం క్యూ కాంప్లెక్స్ మీదుగా తిరుమల ఆలయంలోకి ప్రవేశించారు. జేఈఓలు వీరబ్రహ్మం, శ్రీమతి గౌతమి, సీవీఎస్‌వో నరసింహకిషోర్, సీఈవో ఎస్వీబీసీ షాముఖ్ కుమార్, సీఈ నాగేశ్వరరావు, ఇతర అధికారులు పాల్గొన్నారు.