J.SURENDER KUMAR,
తిరుమల శ్రీవారి పుష్పయాగాన్ని పురస్కరించుకుని శనివారం టన్నుల కొద్దీ పూలతో ఊరేగింపు జరిగింది. ఈ సందర్భంగా అడిషనల్ ఇఓ సిహెచ్.వెంకయ్యచౌదరి మాట్లాడుతూ…
ప్రతి సంవత్సరం తిరుమలలో వార్షిక పుష్పయాగం వైభవంగా నిర్వహిస్తున్నామన్నారు.
ఆలయ సిబ్బందితో పాటు యాత్రికులు తెలిసి లేదా తెలియక చేసిన పాపాల నివారణకు పుష్పయాగం నిర్వహిస్తారు.
తొమ్మిది టన్నుల 17 రకాల పూలు, ఆరు రకాల ఆకులను దాతలు విరాళంగా ఇచ్చారని, ఇందులో తమిళనాడు నుంచి ఐదు టన్నులు, ఏపీ, కర్నాటక నుంచి రెండు టన్నులు ఉన్నాయని ఆయన తెలిపారు.
దాదాపు 300 మంది శ్రీవారి సేవకులు ఒక్కో బుట్టలో పూలు, ఆకులను ఉద్యానవన శాఖ కార్యాలయం నుంచి ఆలయానికి రంగురంగుల పువ్వులు ఊరేగింపుగా తీసుకెళ్లారు .ఆలయ డీఈవో లోకనాథం, ఉద్యానశాఖ డైరెక్టర్ శ్రీనివాసులు తదితరులు పాల్గొన్నారు.
👉తిరుమలలో నవగ్రహ హోమం !
తిరుపతిలోని శ్రీ కపిలేశ్వర స్వామి ఆలయంలో నెలరోజుల వార్షిక హోమ మహోత్సవాలలో భాగంగా శనివారం నవగ్రహ హోమం నిర్వహించారు ఆలయ డీఈవో దేవేంద్రబాబు తదితరులు పాల్గొన్నారు.
👉తిరుమల శ్రీవారి ఆలయంలో పుష్పయాగం !
శ్రీవారి ఆలయంలో శనివారం పుష్పయాగ మహోత్సవం వైభవంగా జరిగింది.వివిధ రకాల పుష్పాలు, ఆకులతో దేవతామూర్తులకు పుష్పాంజలి ఘటించి పుష్పయాగం నిర్వహించారు.
ఈ సందర్భంగా కల్యాణోత్సవం, ఊంజల్ సేవ, ఆర్జిత బ్రహ్మోత్సవాలను రద్దు చేశారు. అడిషనల్ ఈవో సిహెచ్ వెంకయ్య చౌదరి, డివైఇవో లోకనాథం, గార్డెన్ డివై డైరెక్టర్ శ్రీనివాసులు, పీష్కార్ శ్రీరామకృష్ణ తదితరులు పాల్గొన్నారు.