👉ఇంట్లో చొరబడి తుపాకీతో ?
J.SURENDER KUMAR,
జగిత్యాల జిల్లా బీర్పూర్ మండల కేంద్రంలో శనివారం తెల్లవారుజామున వ్యాపారిని తాళ్లతో చేతులు, కాళ్లు కట్టి గుర్తు తెలియని వ్యక్తులు బంగారు ఆభరణాలు దోచుకున్నారు.
పోలీస్ స్టేషన్ కు కూత వేటు దూరంలో నడిరోడ్డుపై ఉన్న వ్యాపారి ఇంటి ప్రహరీ గోడ లోపల గల బాత్ రూమ్ లో నలుగురు మాస్కులు ధరించిన వ్యక్తులు మాటువేసి కూర్చున్నారు.. తెల్లవారుజామున 5 గంటలకు వ్యాపారి తన ఇంటి తలుపులు, గేటు తెరిచి ప్రకృతి అవసరాలు తీర్చుకోవడం కోసం ( ప్రహరీ ప్రాంగణంలో గల ) బాత్ రూమ్ లోకి వెళ్లాడు..
అప్పటికే బాత్ రూమ్ ఉన్న నలుగురు వ్యాపారిపై పడి కొట్టారు. వ్యాపారి నోరు మూసి ఇంట్లోకి లాక్కొచ్చారు. అతనిపై స్టీల్ ఆయుధంతో( రివాల్వర్ ) తరహాలో ఉన్న దానితో తలపై బాధడంతో రక్తస్రావం జరిగింది. మెడలో గొలుసు, చేతి బ్రాస్లెట్, ఉంగరం లాక్కున్నారు.
మరో గదిలోకి వెళ్లి వ్యాపారి భార్య మెడలో పుస్తెలతాడు, కాళ్ల పట్టాలు, కాలి మట్టలు సైతం లాగడానికి ప్రయత్నించారు. ఈ విషయం పోలీసులకు చెప్పితే నీకు చావు తప్పదని హెచ్చరించారు. ఈలోగా ఆ ఇంటి పని మనిషి వ్యాపారి ఇంటిలో పని చేయడానికి వచ్చింది గేటు ముందుకి వచ్చి సేటు , సేటు అని పిలవడంతో. తలుపులు తెరచి ఉన్నాయి నిశ్శబ్దం ఎలాంటి సమాధానం రాకపోవడంతో పనిమనిషి భయపడి తన వాడలోకి పరిగెత్తి తన పరిచయస్తులకు సమాచారం ఇచ్చింది.
విషయం తెలుసుకున్న కొందరు ఇంటిలోకి వచ్చేలోగా. నలుగురు వ్యక్తులు రెండు ద్విచక్ర వాహనాలపై ధర్మపురి వైపు వెళ్ళినట్టు చర్చ. వ్యాపారిని కాళ్లు చేతులు కట్టివేసి రూమ్ లో పెట్టి బంధించారు.
👉ఈ సొత్తు పేదలకు పంచుతాం..
దొంగలించిన సొత్తుతో పారిపోతూ దొంగలు వ్యాపారితో.. ఈ సొత్తు పేదలకు పంచుతాం. నీవు పోలీసులకు చెప్పవద్దు అంటూ మరోసారి హెచ్చరిస్తూ. రివాల్వర్ తరహాలో ఉన్న స్టీల్ ఆయుధంతో వ్యాపారిని బెదిరించినట్టు సమాచారం.
నలుగురు వ్యక్తులు మంకీ క్యాపులు ధరించి ఉన్నట్టు చర్చ.
సమాచారం తెలిసిన పోలీసులు రంగ ప్రవేశం చేసి గుట్ట కింద గ్రామాల్లో గాలింపు చర్యలు చేపట్టారు. సీసీ ఫుటేజ్ లను పరిశీలిస్తున్నారు.
గాయపడిన వ్యాపారి దంపతులను చికిత్స నిమిత్తం ఆసుపత్రికి తరలించారు.