👉 బీర్పూర్, సారంగాపూర్ మండలాల్లో పర్యటించిన కలెక్టర్ బి.సత్య ప్రసాద్ !
J.SURENDER KUMAR,
జగిత్యాల జిల్లా బీర్పూర్ మండల కేంద్రంలోని పీహెచ్ హెల్త్ సబ్ సెంటర్, చిత్రవేణి గూడెం గ్రామంలో ఇదిరమ్మ ఇండ్లు, తాళ్ళ ధర్మారం గ్రామంలో హెల్త్ సబ్ సెంటర్ ,కొల్వాయి గ్రామంలో హెల్త్ సబ్ సెంటర్, సారంగాపూర్ మండలం లక్ష్మీదేవి పల్లి హెల్త్ సబ్ సెంటర్ పలు నిర్మాణ దశలో ఉన్న పనులను క్షేత్రస్థాయిలో సంబంధిత అధికారులతో కలిసి జగిత్యాల జిల్లా కలెక్టర్ ఇది సత్యప్రసాద్ మంగళవారం పరిశీలించారు.
బీర్పూర్ మండల కేంద్రంలో ₹ 1 కోటి 43 లక్షల వ్యయంతో నిర్మిస్తున్న హెల్త్ సెంటర్ మరియు తాళ్ల ధర్మారం గ్రామంలో ₹ 20 లక్షల వ్యయంతో సబ్ సెంటర్ మరియు కొల్వాయి గ్రామంలో హెల్త్ సబ్ సెంటర్ ₹ 20 లక్షల వ్యయంతో మరియు సారంగాపూర్ మండలం లక్ష్మీదేవిపల్లిలో ₹ 20 లక్షల వ్యయంతో చేపడుతున్న పలు నిర్మాణ దశలో ఉన్న పనుల పురోగతిని అధికారులతో కలిసి క్షేత్ర స్థాయిలో పరిశీలించారు.
సారంగాపూర్ మండలంలో నిర్మిస్తున్న హెల్త్ సెంటర్ రెండు నెలల లోపు పూర్తి చేయాలని, అలాగే తాళ్ల ధర్మారంలో హెల్త్ సబ్ సెంటర్ పనులను ఏప్రిల్ నెల చివరి వరకు పూర్తిచేయాలని అధికారులను ఆదేశించారు. కొల్వాయి గ్రామం సబ్ సెంటర్ పనులను 20 రోజుల్లో లోపు పూర్తిచేయాలని లక్ష్మీదేవి పల్లిలోని గ్రామంలో హెల్త్ సబ్ సెంటర్ పనులను ఏప్రిల్ నెల చివరి నాటికి నిర్మాణం పూర్తిచేయాలని అధికారులను ఆదేశించారు.
అనంతరం బీర్పూర్ మండలం చిత్రవేణి గూడెం గ్రామంలోని పలు ఇందిరమ్మ ఇండ్ల గ్రౌండింగ్ స్థలాల పనుల పురోగతిని పరిశీలించారు. ప్రభుత్వం నిర్దేశించిన నమూనా ప్రకారం మాత్రమే నిర్మించుకోవాలని నిర్మించుకున్న వారికి మాత్రమే దశలవారీగా ప్రభుత్వం నుండి నిధులు మంజూరు అవుతాయని కలెక్టర్ తెలిపారు.
ఇండ్ల నిర్మాణ దశలో ఉన్న పనుల వేగవంతంగా పూర్తి చేసేలా చర్యలు చేపట్టాలని అధికారులకు ఆదేశించారు.
కలెక్టర్ వెంట డిపిఓ మధన్ మోహన్, డిఈ మిలిండు, హౌసింగ్ డి ఈ, ఎమ్మార్వో, సంబంధిత అధికారులు పాల్గొన్నారు.