👉 మహిళా స్వయం సహాయక సంఘాల సభ్యులకు !
👉 అంగన్‌వాడీ వర్కర్లకు ₹ 2 లక్షల వరకు రిటైర్మెంట్ బెనిఫిట్స్..
👉 మృతి చెందిన 385 మహిళలకు ₹ 38.5 కోట్ల చెల్లింపునకు కేబినెట్ ఆమోదం !
J.SURENDER KUMAR,
ప్రమాదవశాత్తు మరణించిన మహిళా స్వయం సహాయక సంఘాల సభ్యులకు, బీమా పాలసీ లేకున్నా ప్రభుత్వం నుంచి నేరుగా ₹10 లక్షల పరిహారం అందజేస్తారు. అంగన్‌వాడీ వర్కర్లకు ₹ 2 లక్షల వరకు రిటైర్మెంట్ బెనిఫిట్స్ చెల్లిస్తారు. గత ఏడాది 385 మంది మృతులైన వారికి ₹ 38.5 కోట్ల పరిహారం చెల్లింపునకు గురువారం కేబినెట్ ఆమోదం తెలిపింది.
ముఖ్యమంత్రి . రేవంత్ రెడ్డి అధ్యక్షతన డాక్టర్ బీఆర్ అంబేద్కర్ రాష్ట్ర సచివాలయంలో జరిగిన కేబినెట్ సమావేశంలో సంక్షేమం, అభివృద్ధికి సంబంధించిన పలు కీలక నిర్ణయాలు తీసుకున్నారు. ఉప ముఖ్యమంత్రి మల్లు భట్టివిక్రమార్క , మంత్రులు పొంగులేటి శ్రీనివాస రెడ్డి , శ్రీ పొన్నం ప్రభాకర్ మంత్రిమండలి నిర్ణయాలను వెల్లడించారు. కేబినెట్ నిర్ణయాల్లో ప్రధాన అంశాలు..
👉 ప్రభుత్వ ఉద్యోగులకు రెండు డీఏలు చెల్లించాలని కేబినెట్ నిర్ణయించింది. ఒక డీఏను తక్షణమే చెల్లిస్తారు. మరో డీఏను ఆరు నెలల తర్వాత చెల్లిస్తారు.
👉 ఉద్యోగుల రిటైర్మెంట్ బెనిఫిట్స్‌కు సంబంధించి గత ప్రభుత్వ హయాంలో పెండింగ్‌లో ఉన్న బకాయిలను ప్రతి నెల కనీసం ₹ 700 కోట్ల చొప్పున చెల్లించి క్లియర్ చేయాలని నిర్ణయించారు.
👉 ఉద్యోగుల ఆరోగ్య అవసరాల కోసం రాష్ట్ర ప్రభుత్వ ప్రధాన కార్యదర్శి చైర్మన్‌గా హెల్త్‌కేర్ ట్రస్ట్ ఏర్పాటు.
👉 కేడర్ ర్యాంక్ ప్రకారం గ్రామ పంచాయతీ సెక్రటరీలకు గ్రేడింగ్..
క్రమం తప్పకుండా డిపిసి ప్రమోషన్లు..
జిల్లాల స్థాయిలో మెడికల్ ఇన్వాలిడేషన్ కమిటీల ఏర్పాటు..
కొత్తగా నర్సింగ్ డైరెక్టరేట్ ఏర్పాటు..
ఇకపై రిటైర్డ్ ఉద్యోగుల రీ-రిక్రూట్‌మెంట్ చేయరాదని నిర్ణయం.
👉 భద్రాద్రి కొత్తగూడెంలో ఇప్పటికే ఏర్పాటు చేసిన ఎర్త్ సైన్సెస్ యూనివర్సిటీకి దివంగత మాజీ ప్రధాని డా. మన్మోహన్ సింగ్ పేరు.
👉 ప్రమాదవశాత్తు మరణించిన మహిళా స్వయం సహాయక సంఘాల సభ్యులకు బీమా పాలసీ లేకున్నా ప్రభుత్వం నుంచి నేరుగా ₹10 లక్షల పరిహారం అందజేస్తారు. గత ఏడాది 385 మంది మృతులైన వారికి ₹38.5 కోట్ల పరిహారం చెల్లింపునకు కేబినెట్ ఆమోదం.
👉 రాష్ట్ర వ్యాప్తంగా R&B, పంచాయతీ రాజ్ విభాగాల కింద మొత్తం 13,000 కిలోమీటర్ల రహదారుల అభివృద్ధిని చేపట్టాలని నిర్ణయం.
👉 హైదరాబాద్ మెట్రో రెండో దశ విస్తరణకు సంబంధించి మొత్తం 86 కి.మీ పొడవైన మార్గాన్ని ₹19,579 కోట్లతో నిర్మించేందుకు కేంద్ర ప్రభుత్వానికి ప్రతిపాదనలు పంపాలని కేబినెట్ నిర్ణయించింది.