👉 సి.బి.ఐ విచారణకు అప్పగిస్తూ సుప్రీంకోర్టు కీలక తీర్పు !
👉 2021 లో నడిరోడ్డుపై న్యాయవాద దంపతులు గట్టు వామనరావు నాగమణి దంపతుల హత్య !
👉 2021 నవంబర్ లో సీబీఐకి అప్పగించాలని సుప్రీంకోర్టును ఆశ్రయించిన తండ్రి కిషన్ రావు !
J.SURENDER KUMAR,
న్యాయవాద దంపతులు గట్టు వామన్ రావు నాగమణిల హత్యల కేసును విచారణ జరిపిన సుప్రీం కోర్ట్ సిబిఐ కి బదిలీ చేస్తూ మంగళవారం కీలక తీర్పు వెలువరించింది. తన కొడుకు కోడలు హత్య కేసును సిబిఐ కి బదిలీ చేయాలి అంటూ వామన్ రావు తండ్రి గట్టు కిషన్ రావు సుప్రీంకోర్టును ఆశ్రయించారు.
👉 జస్టిస్ ఎంఎం సుందరేశ్, జస్టిస్ ఎస్ కే సింగ్ ల ధర్మాసనం కేసు విచారణ జరిపింది. గట్టు కిషన్ రావు తరఫున సీనియర్ అడ్వకేట్ మేనక గురుస్వామి, చంద్రకాంత్ లు వాదనలు వినిపించారు. లాయర్ దంపతుల హత్య కేసును తిరిగి విచారణ జరపాలని సీబీఐని సుప్రీంకోర్టు ఆదేశించింది. అదే సమయంలో పిటిషనర్ గట్టు కిషన్ రావుకు భద్రత కల్పించాలని పోలీసులను ఆదేశించింది
👉 దారుణ హత్యకు గురి అయిన న్యాయవాద దంపతులు గట్టు వామన్ రావు నాగమణి దంపతుల హత్య కేసులో సుప్రీం కోర్ట్ మే మాసంలో ఈ కేసు పై న్యాయమూర్తులు ఇదే తుది వాయిదా అని, ఇకముందు ఎలాంటి వాయిదాలకు తావివ్వకుండా ఆగస్టులో తుది ఉత్తర్వులు జారీ చేస్తామని జస్టిస్ ఎం.ఎం. సుందరేశ్, జస్టిస్ రాజేశ్ బిందల్ తో కూడిన ధర్మాసనం పేర్కొంది.
👉 ట్రయల్ కోర్టు వద్ద ఉన్న మరణ వాంగ్మూల వీడియో రికార్డు తమకు వచ్చిందని, దాన్ని విశ్లేషించి అఫిడ విట్ దాఖలు చేయడానికి చివరగా కొంత సమయం ఇవ్వాలని రాష్ట్ర ప్రభుత్వ న్యాయవాది సుప్రీంకోర్టును కోరారు. అందుకు న్యాయమూర్తి జస్టిస్ సుందరేశ్ అంగీకరించారు.
👉 కేసు తదుపరి విచారణను సుప్రీంకోర్టు ఆగస్టుకు వాయిదా వేసింది. హత్యకేసు దర్యాప్తును సీబీఐకి అప్పగించాలని కోరుతూ న్యాయవాది వామన్ రావు తండ్రి గట్టు కిషన్ రావు 2021 , సెప్టెంబర్ లో సుప్రీంకోర్టును ఆశ్రయించారు.
👉 2021లో జరిగిన ఈ హత్యకు సంబంధించి పుట్టా మధూకర్ ప్రధాన పాత్ర పోషించినట్లు మరణ వాంగ్మూలంలో వామన్ రావు స్పష్టంగా చెప్పారు. అయినా రాష్ట్ర పోలీసులు ఉద్దేశపూర్వకంగా అతడిని నిందితుల జాబితా నుంచి తప్పించారు. అందువల్ల ఈ కేసు నిష్పాక్షిక విచారణ కోసం సీబీఐకి అప్పగించండి” అని వామన్ రావు తండ్రి గట్టు కిషన్ రావు దాఖలు చేసిన పిటీషన్ పై సుప్రీంకోర్టు 2021 నవంబరు నుంచి విచారిస్తున్నది.
👉 సీబీఐ లేదా సీఐడీ సహాయంతో తిరిగి విచారణ జరపడానికి రాష్ట్రం నుండి ఎటువంటి అభ్యంతరం లేదని, విచారణ లో ప్రభుత్వ న్యాయవాది సుప్రీంకోర్టుకు తెలిపారు. దీంతో ఈ కేసులో నిందితులను ప్రతివాదులు గా చేర్చి, వారికి నోటీసులు అందజేయాలని సుప్రీంకోర్టు పిటిషనర్‌ను ఆదేశించింది.
👉 హత్య కేసులో ఉన్న ఏడుగురు నిందితులు ప్రస్తుతం బెయిల్‌ పై ఉన్నారు. సిఐడి లేదా సిపిఐ దర్యాప్తుకు స్పందించాలని కోరుతూ నిందితులకు నోటీసులు అందాయి. ఇదిలా ఉండగా, కేసుకు సంబంధించిన ఇతర సంబంధిత పత్రాలతో పాటు సీడీలను అందించడానికి పిటిషనర్‌కు సుప్రీంకోర్టు ధర్మాసనం గతంలో అనుమతి ఇచ్చింది.
👉 పట్టపగలు నడి రోడ్డుపై హత్య !
మంథని కోర్టులో ఫిబ్రవరి 17, 2021 న ఓ కేసులో వాదించడానికి హాజరై తిరిగి హైదరాబాదుకు కారులో . న్యాయవాద దంపతులు గట్టు వామన్ రావు, వి నాగమణి లు వెళుతున్నారు.
వారు ప్రయాణిస్తున్న కారును రామగిరి మండలం కల్వచర్లలోని మంథని – పెద్దపల్లి రహదారిపై నిందితులు అడ్డుకొని దంపతులను కారులోంచి బయటకి లాగి పట్టపగలు నడిరోడ్డుపై కత్తులతో దారుణంగా నరికి చంపిన విషయం తెలిసిందే.