👉లంచం తీసుకుంటుండగా రెడ్ హ్యాండెడ్‌గా పట్టుకున్న అధికారులు !
J.SURENDER KUMAR,
అవినీతి నిరోధక శాఖ (ఏసీబీ) అధికారులు రాజన్న సిరిసిల్ల జిల్లాలో అవినీతిపై ఉక్కుపాదం మోపారు. సిరిసిల్ల తాలూకాకు చెందిన సర్వేయర్ వేణు లంచం తీసుకుంటుండగా రెడ్ హ్యాండెడ్‌గా మంగళవారం పట్టుకున్నారు.
జిల్లాలోని సిరిసిల్ల పట్టణంలో ఈరోజు ఈ ఘటన చోటు చేసుకుంది. భూమి సర్వే పనుల నిమిత్తం బాధితుడి నుంచి ₹20,000 లంచం తీసుకుంటుండగా ఏసీబీ అధికారులు అతడిని పట్టుకున్నారు. అవినీతి వివరాలు బాధిత రైతుకు చెందిన చిన్న బోనాల ప్రాంతంలోని 3 ఎకరాల భూమి సర్వే కోసం సర్వేయర్ వేణు లంచం డిమాండ్ చేసినట్లు తెలుస్తోంది.
మొదటగా ₹10,000 తీసుకున్న వేణు, సర్వే పూర్తయిన తర్వాత మిగిలిన ₹20,000 తీసుకుంటుండగా ఏసీబీ అధికారులు దాడి చేసి పట్టుకున్నారు. లంచం ఇవ్వడం ఇష్టం లేని బాధితుడు ఏసీబీ అధికారులను ఆశ్రయించడంతో ఈ ట్రాప్ విజయవంతమైంది. సర్వేయర్ వేణును అదుపులోకి తీసుకున్న అధికారులు కేసు నమోదు చేశారు.
ఈ అవినీతికి సంబంధించి పూర్తి వివరాలను ఏసీబీ అధికారులు విచారణ అనంతరం వెల్లడించాల్సి ఉంది.