అయ్యప్ప మహా పడిపూజ లో మంత్రి లక్ష్మణ్ కుమార్ !

J.SURENDER KUMAR,

ధర్మపురి క్షేత్రంలోని శ్రీ అయ్యప్ప స్వామి ఆలయంలో శనివారం జరిగిన మహా పడిపూజ కార్యక్రమంలో మంత్రి అడ్లూరి లక్ష్మణ్ కుమార్ పాల్గొని అయ్యప్ప స్వామికి ప్రత్యేక పూజలు చేశారు.

శ్రీ అయ్యప్ప స్వామి ఆలయ 19 వ వార్షికోత్సవం సందర్భంగా ఆలయంలో పడిపూజను పెండ్యాల బాలకృష్ణ గురుస్వామి ఆధ్వర్యంలో అంగరంగ వైభవంగా జరిగింది. మంత్రి లక్ష్మణ్ కుమార్ కు తీర్థ ప్రసాదం అందించి  స్వామి వారి శేష వస్త్రం బహుకరించి వేద ఆశీర్వచనం చేశారు. 

👉 మాజీ మున్సిపల్ చైర్మన్  ఇంటిలో..


జగిత్యాల పట్టణ కేంద్రంలోని మాజీ మున్సిపల్ చైర్మన్ గిరి నాగభూషణం నివాసంలో జరిగిన  అయ్యప్ప స్వామి మహా పడి పూజ లో  మంత్రి అడ్లూరి లక్ష్మణ్ కుమార్ , జగిత్యాల ఎమ్మెల్యే సంజయ్ కుమార్ తో కలిసి పాల్గొన్నారు.
స్వామి వారిని దర్శించుకొని ప్రత్యేక పూజలు. చేశారు.

👉 దత్తాత్రేయ ఆలయంలో..

ధర్మపురి గోదావరి నది తీరంలో గల ప్రాచీన దత్త మందిరంలో జరుగుతున్న దత్త నవరాత్రి ఉత్సవాలలో మంత్రి లక్ష్మణ్ కుమార్ పాల్గొని దత్తాత్రేయుని దర్శించుకుని ప్రత్యేక పూజలు చేశారు. సమీపంలో గల అతి పురాతనమైన శ్రీ సీతారామచంద్ర ఆలయాన్ని  మంత్రి దర్శించుకున్నారు.