👉 మంత్రి అడ్లూరి లక్ష్మణ్ కుమార్ !
J SURENDER KUMAR,
బీసీ‌ల అభివృద్ధి మాటలో కాక, ఆచరణాలో ఉండాలి, రాష్ట్రంలో రాజకీయంగా, సామాజికంగా, ఆర్థికంగా బీసీ‌లను బలోపేతం చేయడానికి మా ప్రజా పాలన ప్రభుత్వం తీసుకుంటున్న నిర్ణయాలకు ప్రజల మద్దతు వస్తోంది. మా బలహీన వర్గాల కోసం పోరాటం కొనసాగుతూనే ఉంటుంది అని రాష్ట్ర మంత్రి అడ్లూరి లక్ష్మణ్ కుమార్ అన్నారు.
ధర్మపురి పట్టణంలో మంత్రి క్యాంప్ కార్యాలయంలో శనివారం ఏర్పాటు చేసిన మీడియా సమావేశంలో మంత్రి అడ్లూరి లక్ష్మణ్ కుమార్ మండల కాంగ్రెస్ పార్టీ నాయకులతో కలిసి మాట్లాడారు.
👉 ఈ సందర్భంగా మంత్రి మాట్లాడుతూ…..
బీసీ‌ల కోసం నిజమైన పోరాటం చేస్తూ ఉన్నది కాంగ్రెస్ ప్రభుత్వమే. కానీ కేటీఆర్ మాత్రం బీసీ‌ల పేర్లు చెప్పుకుంటూ ముసలి కన్నీళ్లు కారుస్తున్నారు. అసెంబ్లీలో అన్ని పార్టీల ఏకాభిప్రాయంతో బీసీ‌లకు 42% రిజర్వేషన్లు ఇవ్వాలని ముఖ్యమంత్రి రేవంత్ రెడ్డి సాహసోపేత నిర్ణయం తీసుకున్నారు.
👉 రాష్ట్ర భవిష్యత్‌కి ముఖ్యమైన ఈ తీర్మానం వచ్చినప్పుడు, మాజీ ముఖ్యమంత్రి కేసీఆర్ ప్రతిపక్ష నాయకుడిగా సభకు రాకపోవడం ప్రజలు గమనించాలి.
👉 బీసీ‌ల కోసం మాటలు చెప్పడం సులువు, కానీ అసెంబ్లీలో హాజరై మద్దతు ఇవ్వడం నిజమైన కర్తవ్యము. అది బీఆర్ఎస్ చేయలేదు అని మంత్రి తీవ్ర స్థాయిలో విమర్శించారు.
👉 మా పార్టీ పక్కా బడుగు, బలహీన, వెనుకబడిన వర్గాల పార్టీ. మా నాయకుడు అన్ని వర్గాలను బీసీ నుండి ఎస్సీ, ఎస్టీ, మైనారిటీల వరకు కలుపుకునే నాయకుడు. ఈ ప్రభుత్వం తీసుకుంటున్న ప్రతి నిర్ణయం సామాజిక న్యాయం, సమానత్వం, అవకాశాల పంపిణీ కోసమే.
👉 జగిత్యాల జిల్లా అధ్యక్షుడుగా బీసీ నాయకుడిని నియమించడం జరిగిందని, ఇది మా పార్టీ వైఖరి, మా తత్వం, మా నిబద్ధత అని కాంగ్రెస్ ప్రభుత్వం వచ్చిన తర్వాత ధర్మపురి నియోజకవర్గం అభివృద్ధి దిశగా వేగంగా దూసుకుపోతోంది.
👉 రోడ్లు, డ్రైనేజీలు, నీటి సదుపాయాలు, సంక్షేమ పథకాలు ప్రతి విషయంలో ప్రజలు మార్పును స్పష్టంగా చూస్తున్నారు.మా ప్రభుత్వం ఇచ్చిన హామీలను ఒకొక్కటిగా నెరవేర్చుకుంటూ వస్తుంది.
👉 డబుల్ బెడ్‌రూం గృహాలు, గ్రాప్ పథకాలు, మహిళలకు ఆర్థిక శక్తివంతం, రైతులకు భరోసా ప్రతి రంగంలో నిర్ణయాలు ప్రజల జీవన ప్రమాణాలు మెరుగుపరిచే విధంగానే ఉన్నాయి అని మంత్రి వివరించారు.