J.SURENDER KUMAR,
కోరుట్ల మండలంలోని సినారె కళా భవన్‌లో నూతన జిల్లా కాంగ్రెస్ పార్టీ అధ్యక్షుడిగా నియమితులైన గాజంగి నందయ్య శుక్రవారం ఘన సన్మాన కార్యక్రమం జరిగింది. ఈ వేడుకకు ముఖ్య అతిథిగా రాష్ట్ర సంక్షేమ శాఖ మంత్రి అడ్లూరి లక్ష్మణ్ కుమార్, కోరుట్ల కాంగ్రెస్ పార్టీ అధ్యక్షుడు జువ్వాడి నర్సింగ రావు తో కలిసి హాజరై నూతన అధ్యక్షుడిని అభినందించారు.
👉 ఈ సందర్భంగా మంత్రి మాట్లాడుతూ…
బలహీన వర్గాల అభివృద్ధికి అంకితమైన పార్టీగా కాంగ్రెస్ ఎప్పుడూ నిలిచిందని, పార్టీ బలోపేతం కోసం కీలక నిర్ణయాలు తీసుకుంటూ TPCC అధ్యక్షుడిగా మహేష్ కుమార్ గౌడ్ ను, జిల్లా కాంగ్రెస్ కమిటీ అధ్యక్షుడిగా నందయ్య ను నియమించడమైందని అన్నారు .
“మంత్రిగా నాకు అవకాశం ఇవ్వడం పట్ల కాంగ్రెస్ హైకమాండ్‌కు కృతజ్ఞతలు. రాబోయే స్థానిక సంస్థల ఎన్నికల్లో ప్రతీ కార్యకర్త ఏకమై పనిచేసి పార్టీ విజయాన్ని సునిశ్చితం చేయాలి.
ముఖ్యమంత్రి నాయకత్వంలో ప్రభుత్వం ప్రజాభిమానాన్ని సంపాదించుకుంటూ ముందుకు సాగుతోంది. 2034 వరకు కూడా మన ప్రభుత్వం ప్రజల ఆశీర్వాదంతో అధికారంలో కొనసాగుతుంది అని మంత్రి అన్నారు. కార్యక్రమంలో కాంగ్రెస్ పార్టీ నాయకులు, కార్యకర్తలు, స్థానిక ప్రజాప్రతినిధులు పాల్గొన్నారు.