👉 మంత్రి అడ్లూరి లక్ష్మణ్ కుమార్ !
J SURENDER KUMAR,
ప్రముఖ పుణ్యక్షేత్రంధ ధర్మపురిలోని డంపింగ్ యార్డ్ సమస్యను శాశ్వత ప్రాతిపదికపై పరిష్కారం చేస్తానని, స్థానికులకు, యాత్రికులకు, ఇబ్బందులు కలగకుండా చర్యలతో పాటు గోదావరి తీరం సుందరీ కరణ చేస్తానని రాష్ట్ర సంక్షేమ శాఖ మంత్రి అడ్లూరి లక్ష్మణ్ కుమార్ అన్నారు.
గోదావరి తీరంలోని డంపింగ్ యార్డ్ సమస్యలు ఇబ్బందుల సమాచారం తెలుసుకున్న మంత్రి శనివారం ద్విచక్ర వాహనంపై గోదావరి పరిసర ప్రాంతాలను పర్యటించారు.
ఈ మేరకు స్థానిక మున్సిపల్ అధికారులతో పాటు, హైదరాబాదు నుండి ప్రత్యేక రీసైక్లింగ్ నిపుణులను రావాల్సిందిగా మంత్రి ఆదేశించడంతో హుటాహుటిన నిపుణులు డంపింగ్ యార్డ్ వద్దకు చేరుకున్నారు.
👉 ఈ సందర్భంగా మంత్రి లక్ష్మణ్ కుమార్ మాట్లాడుతూ..
ప్రస్తుతం ఉన్న డంపింగ్ యార్డును పూర్తిగా తరలించే దిశగా ప్రభుత్వం పనిచేస్తోందని, కేంద్ర–రాష్ట్ర ప్రభుత్వాల సహకారంతో ఆధునిక రీసైక్లింగ్ యూనిట్ ఏర్పాటు చేయడానికి ప్రణాళికలు సిద్ధం చేస్తున్నట్లు తెలిపారు.
👉ఎన్నికల నియమావళి ముగిసిన వెంటనే శాఖాధికారులు, ప్రజాప్రతినిధులతో ప్రత్యేక సమీక్ష సమావేశం నిర్వహించి, అమలు చర్యలను ఖరారు చేస్తామని స్పష్టం చేశారు.
👉 రానున్న గోదావరి పుష్కరాలను దృష్టిలో ఉంచుకొని ప్రభుత్వం ప్రత్యేక శ్రద్ధ చూపుతోందని మంత్రి పేర్కొన్నారు. పుష్కరాల ఏర్పాట్లు హడావిడిగా కాకుండా, ప్రత్యేక నిధులు కేటాయించి సమగ్రంగా పూర్తి చేస్తాం.
👉 శివరేజి ప్లాంట్ ఏర్పాటు పనులు కూడా ప్రగతి దశలో ఉన్నాయని చెప్పారు. డంపింగ్ యార్డు మార్పు, రీసైక్లింగ్ యూనిట్ ఏర్పాటు కోసం ఎంత నిధులు అవసరమైనా ప్రభుత్వం వెనుకాడదని మంత్రి స్పష్టం చేశారు.
👉 ధర్మపురిలో డిగ్రీ కళాశాల మంజూరు కాగా, జూన్ నెల నుంచి తరగతులు ప్రారంభం కానున్నాయని,
👉 ధర్మపురి ప్రభుత్వాసుపత్రిలో పోస్ట్ మార్టం యూనిట్‌ను ఏర్పాటు చేయనున్నట్లు,
👉 మూతపడిన తెలుగు కళాశాల (నై ట్ కళాశాల) తిరిగి ప్రారంభించి అభివృద్ధికి చేసిన కృషిని మంత్రి వివరించారు