J.Surender Kumar,
“1996 ధర్మపురి ” సినిమా నిర్మాణము తో స్టార్ కొరియోగ్రాఫర్ శేఖర్ మాస్టర్ నిర్మాతగా మారుతున్నారు అనే చర్చ సినీ ఇండస్ట్రీలో జోరందుకుంది.
తెలుగు ఇండస్ట్రీలో కొరియోగ్రాఫర్ గా తనకంటూ ప్రత్యేక గుర్తింపు సంపాదించుకుని.. టాలీవుడ్ టూ బాలీవుడ్ సత్తా చూపించిన డాన్స్ మాస్టర్ శేఖర్ మాస్టర్. ఇప్పటి వరకు ఈయన తన డాన్స్ ను ప్రేక్షక లోకానికి చూపించారు. ఇప్పుడు ఆయనలోని అభిరుచి గల నిర్మాత బయటకు వచ్చారు. గగన్ విహారి, అపర్ణ దేవి ,జంటగా జగత్ దర్శకత్వంలో, తెరకెక్కుతున్న చిత్రం ” 1996 ధర్మపురి.”
1996 ప్రాంతంలో జగిత్యాల జిల్లా ధర్మపురిలో జరిగిన కొన్ని యదార్థ సంఘటనల ఆధారంగా ఈ సినిమాను తెరకెక్కిస్తున్నారు జగత్. ఇక్కడ ఉండే దొరగడిలో పని చేసే ఓ జీతగాడు.. బీడీలు చుట్టె అమ్మాయి, మధ్య నడిచే ప్రేమకథ “1996ధర్మపురి.” అక్కడున్న ఒరిజినల్ లొకేషన్స్ లో చాలా రియాలిస్టిక్ గా ఈ సినిమా తెరకెక్కిస్తున్నారు. చిత్రయూనిట్. భాస్కర గ్రూప్ ఆఫ్ మీడియా బ్యానర్ లో శేఖర్ మాస్టర్, సమర్పణలో భాస్కర్ యాదవ్ దాసరి ఈ సినిమాను నిర్మిస్తున్నారు. ఓషో వెంకట్ సంగీతం అందిస్తున్న ఈ చిత్రానికి మార్తాండ్ కే వెంకటేష్ ఎడిటర్.
నటీనటులు: గగన్ విహారి, అపర్ణ దేవి, నాగ మహేష్, జనార్దన్, కేశవ, బస్టాప్ కోటేశ్వరరావు, రాగిని తదితరులు..టెక్నికల్ టీమ్:రచన, దర్శకత్వం: జగత్ సమర్పణ: శేఖర్ మాస్టర్ బ్యానర్: భాస్కర గ్రూప్ ఆఫ్ మీడియా నిర్మాత: భాస్కర్ యాదవ్ దాసరి ఎడిటర్: మార్తాండ్ కే వెంకటేష్
కొరియోగ్రాఫర్: శేఖర్ మాస్టర్ సంగీతం: ఓషో వెంకట్