👉 నవంబర్ 1న గణపతి సచ్చిదానంద స్వామివారి పర్యటన!
👉 దత్తాత్రేయ భక్తులకు మహదవకాశం.. ప్రజా సంక్షేమమే ధ్యేయంగా ఆశీర్వచనం!
J . SURENDER KUMAR,
ఆధ్యాత్మిక పరిమళాలు వెదజల్లే మంథని పుణ్యభూమిలో నవంబర్ 1న అరుదైన ఆధ్యాత్మిక ఘట్టం ఆవిష్కృతం కానుంది. అవధూత దత్త పీఠాధిపతి, పరమపూజ్య శ్రీ గణపతి సచ్చిదానంద స్వామివారు మంథనిలో పర్యటించనున్నారు. స్వామివారి రాకతో మంథని ప్రాంతంలో ఆధ్యాత్మిక సందడి నెలకొననుండగా, భక్తులకు ప్రత్యక్ష దర్శనం, ఆశీర్వచనం పొందే మహదవకాశం లభించనుంది.
👉 ప్రజా సంక్షేమమే పరమావధిగా…..
ఆధ్యాత్మిక చింతనతో పాటు ప్రజల సంక్షేమం, సమాజ శ్రేయస్సును ఆకాంక్షించే శ్రీ గణపతి సచ్చిదానంద స్వామివారి పర్యటన ప్రత్యేక ప్రాధాన్యత సంతరించుకుంది. ధన్వాడ, మంథని ప్రాంతాల ఆధ్యాత్మిక ప్రాధాన్యతను చాటుతూ నిర్వహించనున్న ఈ కార్యక్రమం భక్తుల్లో భక్తిభావాన్ని మరింత పెంపొందించనుంది.
దైవభక్తి అనేది కేవలం పూజలు, ప్రార్థనలకే పరిమితం కాకుండా.. మానవ సేవ, సమాజ సేవకు మార్గదర్శకంగా నిలవాలనే సందేశాన్ని ఈ పర్యటన చాటనుంది.
👉 కార్యక్రమ వివరాలు..!
నవంబర్ 1 న ఆదివారం ఉదయం 10 గంటలకు ధన్వాడ స్వామివారి కార్యక్రమం ప్రారంభం కానుంది.
👉 మధ్యాహ్నం 2 గంటల నుండి మంథనిలో శివ కిరణ్ గార్డెన్స్ లో జరిగే ఈ కార్యక్రమానికి భక్తులు, ఆధ్యాత్మిక అభిమానులు పెద్ద సంఖ్యలో హాజరుకానున్నారు.
ఈ కార్యక్రమానికి తెలంగాణ ప్రభుత్వ ఐటీ,పరిశ్రమల శాఖ మంత్రి శ్రీధర్ బాబు, మంత్రులు, ప్రజాప్రతినిధులు, ప్రముఖులు ఆహ్వానితులుగా పాల్గొననున్నారు.
👉 ఆ ధ్యాత్మికతతో సమాజానికి స్ఫూర్తి..!
స్వామివారి పర్యటన మంథని ప్రాంత ప్రజల్లో ఆధ్యాత్మిక చైతన్యాన్ని పెంపొందించడంతో పాటు, భక్తి మార్గంలో సమాజ సేవకు ప్రాధాన్యత ఇవ్వాలనే స్ఫూర్తిని అందించనుంది.
దైవానుగ్రహం కోసం ఆలయాలను సందర్శించే భక్తులు.. అదే దైవత్వాన్ని తోటి మనుషుల సేవలోనూ చూడగలిగితే సమాజంలో ప్రేమ, సౌభ్రాతృత్వం, మానవత్వం మరింత వికసిస్తాయి. ఆధ్యాత్మికత మనసుకు ప్రశాంతతనిస్తే.. మానవ సేవ సమాజానికి సంతోషాన్నిస్తుంది. ఈ రెండింటి సమ్మేళనమే శ్రీ గణపతి సచ్చిదానంద స్వామివారి పర్యటనకు అసలైన స్ఫూర్తి.