👉 అవయవదానంతో అమరుడైన గల్ఫ్ కార్మికుడు !
👉 స్వదేశానికి రవి మృతదేహం.. అబుదాబి ఎయిర్పోర్టుకు తరలింపు !
👉 మానవత్వానికి మరో ప్రత్యక్ష నిదర్శనం !
J.SURENDER KUMAR,
జీవనోపాధి కోసం గల్ఫ్ దేశానికి వెళ్లిన ధర్మపురి వాసి రవి యాదవ్ ఇక లేరు. అయితే ఆయన మరణం విషాదాన్ని మిగిల్చినా.. అవయవదానం ద్వారా పలువురికి కొత్త జీవితాన్ని అందిస్తూ మానవత్వానికి చిరస్మరణీయమైన సందేశాన్ని అందించారు.
దుబాయ్లో అనారోగ్యంతో మృతి చెందిన రవి యాదవ్ అవయవాలను దానం చేసేందుకు కుటుంబ సభ్యులు, సన్నిహితులు ముందుకు రావడంతో వైద్యపరమైన ప్రక్రియలు పూర్తయ్యాయి. అనంతరం ఆయన మృతదేహాన్ని స్వదేశానికి తరలించేందుకు బుధవారం అవసరమైన ఏర్పాట్లు చేపట్టారు. గురువారం ధర్మపురికి రవి శవపేటిక రానున్నది.
👉 రవి మృతదేహాన్ని ఆయన సన్నిహితుల సమక్షంలో ప్రత్యేకంగా ప్యాక్ చేసి అబుదాబి ఎయిర్పోర్టుకు తరలించారు. అక్కడి నుంచి మృతదేహాన్ని స్వదేశానికి పంపేందుకు ఏర్పాట్లు పూర్తయ్యాయి. రవితో పాటు స్వదేశానికి వచ్చే సహాయకుల ప్రయాణానికి సంబంధించిన టికెట్లను కూడా బుక్ చేశారు.
👉 మరణంలోనూ జీవించిన మానవత్వం !
ఈనెల 5న అనారోగ్యంతో దుబాయ్ ఆసుపత్రిలో చేరిన రవి 11న బ్రెయిన్ డెడ్ కావడంతో వైద్య నికి సహకరించలేదు, అక్కడి వైద్యులు రవి కుటుంబ సభ్యులతో ఈనెల 12న వీడియో కాన్ఫరెన్స్ ద్వారా పరిస్థితి నీ తెలియపరుస్తూ అవయవ దానం గురించి మీరు మనస్ఫూర్తిగా అంగీకరిస్తేనే తీసుకుంటామని వివరించారు. కుటుంబ సభ్యుల సమ్మతితో అవయ దాన ప్రక్రియకు శ్రీకారం చుట్టారు. దుబాయ్ ఆస్పత్రి నుంచి అబుదాబి ఆసుపత్రికి రవిని తరలించారు. అవయదాన ప్రక్రియ పూర్తిచేసి ఈనెల 15 న రవి మృతిచెందినట్టు ధ్రువీకరణ పత్రాన్ని ఇచ్చారు.
👉 గల్ఫ్ గడ్డపై కన్నుమూసిన రవి.. తన అవయవాల ద్వారా మరికొందరి జీవితాల్లో వెలుగులు నింపారు. కుటుంబానికి తీరని విషాదాన్ని మిగిల్చిన ఈ ఘటనలోనూ అవయవదానం నిర్ణయం మానవత్వానికి ప్రతీకగా నిలిచింది.
👉 రవి ఇక భౌతికంగా మన మధ్య లేకపోయినా.. ఆయన చేసిన అవయవదానం ద్వారా మరికొందరి జీవితాల్లో కొనసాగుతారనే భావన కుటుంబ సభ్యులు, సన్నిహితుల్లో ఆవేదనతో పాటు ఓదార్పును కలిగిస్తోంది.
👉 గల్ఫ్లో ఉపాధి కోసం వెళ్లిన ఓ సాధారణ కార్మికుడి జీవితానికి విషాదకరమైన ముగింపు ఎదురైనా.. ఆయన మరణం అనంతరం తీసుకున్న అవయవదాన నిర్ణయం మాత్రం “మనిషి జీవితం ముగిసినా.. మానవత్వం మాత్రం కొనసాగుతుంది” అనే గొప్ప సందేశాన్ని సమాజానికి అందించింది.