👉ముఖ్యమంత్రి రేవంత్ రెడ్డి !
J.SURENDER KUMAR,
విజయదశమి పండుగ సందర్భంగా ముఖ్యమంత్రి రేవంత్ రెడ్డి రాష్ట్ర ప్రజలందరికీ శుభాకాంక్షలు తెలియజేశారు. చెడుపై మంచి సాధించిన విజయానికి ప్రతీకగా నిలిచే దసరా పర్వదినాన ప్రతి ఇంటా ఆనందాలు వెల్లివిరియాలని, ప్రతి కుటుంబం సుఖసంతోషాలతో పండుగ జరుపుకోవాలని కోరుకున్నారు.
👉“తెలంగాణ సంస్కృతి, సంప్రదాయాల్లో విశిష్ట స్థానమున్న దసరా పండుగ… ధైర్యం, ధర్మం, సత్యం, ఐకమత్యం, ఆత్మవిశ్వాసం వంటి విలువలను మనకు గుర్తుచేస్తుంది. ప్రేమ, కరుణ, సోదరభావం, మానవత్వంతో కూడిన సమాజ నిర్మాణానికి సంకేతంగా ప్రతి పల్లెలో పండుగ వేడుకలను ఆనందోత్సాహాలతో జరుపుకోవాలి.
👉 తెలంగాణ పల్లెపల్లెల్లో దసరా వేడుకలకు మరింత ప్రత్యేకతను చేకూర్చే జమ్మిపూజ, జమ్మి ఆకులను (బంగారం) ఆత్మీయులకు అందించుకోవడం, పెద్దల ఆశీర్వాదాలు తీసుకోవడం మన సంస్కృతిలోని గొప్పదనానికి ప్రతీకలు.
👉 ప్రకృతిని ప్రేమించడం, పెద్దలను గౌరవించడం, బంధాలను బలోపేతం చేసుకోవడం, పరస్పర ప్రేమాభిమానాలను పంచుకోవడం వంటి విలువలను ఈ సంప్రదాయాలు చాటిచెబుతాయి” అని ముఖ్యమంత్రి పేర్కొన్నారు.
👉 ఈ విజయదశమి రాష్ట్ర ప్రజలందరికీ ఆయురారోగ్యాలు, అష్టైశ్వర్యాలు, సుఖశాంతులు, సకల విజయాలు కలగాలని ఆకాంక్షించారు.
👉 తెలంగాణ ముద్దుబిడ్డ దీప్తి జీవంజికి అభినందనలు !
జపాన్‌లో జరుగుతున్న ఆసియా పారా గేమ్స్ 2026లో మహిళల 400 మీటర్ల (T20) రేసును 56.36 సెకన్లలో పూర్తి చేసి రికార్డు సృష్టించి, స్వర్ణ పతకం సాధించిన తెలంగాణ ముద్దుబిడ్డ దీప్తి జీవంజికి ముఖ్యమంత్రి రేవంత్ రెడ్డి హృదయపూర్వక అభినందనలు తెలిపారు.
👉 దీప్తి సాధించిన ఈ చారిత్రాత్మక విజయం దేశవ్యాప్తంగా ఉన్న ఎందరో పారా అథ్లెట్లకు, యువ క్రీడాకారులకు స్ఫూర్తినిస్తుందని పేర్కొన్నారు. ఎన్ని అడ్డంకులు ఎదురైనా పట్టుదల, ఆత్మవిశ్వాసంతో శ్రమిస్తే అనుకున్న లక్ష్యాన్ని సాధించవచ్చని దీప్తి నిరూపించారని అన్నారు. భవిష్యత్తులో మరెన్నో అంతర్జాతీయ పతకాలు సాధించి, తెలంగాణ, భారతదేశ కీర్తిప్రతిష్ఠలను అంతర్జాతీయ వేదికలపై చాటాలని ఆకాంక్షించారు.