మంత్రి అయినా కార్యకర్తతో బంధం మర్చిపోలేదు!

👉 కాంగ్రెస్ కార్యకర్త పాడె మోసిన మంత్రి అడ్లూరి.. కన్నీటితో కడసారి వీడ్కోలు!

👉 అధికారం ఉన్నా.. ప్రతిపక్షంలో ఉన్నా వెన్నంటే నడిచిన సహచరుడికి అరుదైన నివాళి!

👉 నాయకుడంటే పదవి కాదు.. కార్యకర్త కష్టసుఖాల్లో తోడుండే బంధమని చాటిన ఘటన!

J.SURENDER KUMAR,

రాజకీయాల్లో పదవులు వస్తుంటాయి.. పోతుంటాయి. అధికారాలు మారుతుంటాయి.. రాజకీయ సమీకరణాలు మారుతుంటాయి. కానీ కష్టసుఖాల్లో తన వెంట నడిచిన కార్యకర్తలతో ఏర్పడిన అనుబంధం మాత్రం చెరిగిపోదని రాష్ట్ర సంక్షేమ శాఖ మంత్రి అడ్లూరి లక్ష్మణ్ కుమార్ తన చర్యతో చాటిచెప్పారు. తనతో రాజకీయ ప్రయాణం సాగించిన కాంగ్రెస్ పార్టీ గ్రామశాఖ అధ్యక్షుడు వడ్లూరి ప్రవీణ్ కుమార్ మరణవార్త తెలుసుకున్న మంత్రి.. ఆయన అంతిమయాత్రలో స్వయంగా పాడె మోస్తూ కన్నీటితో కడసారి వీడ్కోలు పలికారు.

పెగడపల్లి గ్రామ కాంగ్రెస్ పార్టీ గ్రామశాఖ అధ్యక్షుడు వడ్లూరి ప్రవీణ్ కుమార్ అనారోగ్యంతో మృతి చెందారు. విషయం తెలుసుకున్న మంత్రి అడ్లూరి లక్ష్మణ్ కుమార్ వెంటనే అక్కడికి చేరుకుని ప్రవీణ్ కుమార్ పార్థివదేహానికి పూలమాల వేసి నివాళులర్పించారు. అనంతరం కుటుంబ సభ్యులను పరామర్శించి ప్రగాఢ సానుభూతి తెలిపారు. అంతటితో ఆగకుండా ప్రవీణ్ కుమార్. అంతిమయాత్రలో పాల్గొన్న మంత్రి స్వయంగా పాడె మోశారు.

👉 కాంగ్రెస్ జెండాను భుజాన మోస్తూ పార్టీ కోసం పనిచేసిన సహచరుడి పార్థివదేహాన్ని తన భుజాలపై మోస్తూ స్మశానవాటిక వరకు సాగారు. అంత్యక్రియలు, దహన సంస్కారాల కార్యక్రమంలోనూ పాల్గొని తుది వీడ్కోలు పలికారు.

👉 క్యాబినెట్ సమావేశానికి హైదరాబాద్ కు తెల్లవారుజామున వెళ్లాల్సిన మంత్రి కార్యకర్త అంతిమ దహన సంస్కార తర్వాత హైదరాబాద్ కు వెళ్లారు.

👉 రాజకీయాల్లో ఉన్నప్పుడు నాయకుల వెంట ఎంతోమంది కార్యకర్తలు నడుస్తుంటారు. అయితే వారిలో కొందరితో ఏర్పడే అనుబంధం రాజకీయాలకు అతీతంగా కొనసాగుతుంది. అధికారం ఉన్నా.. ప్రతిపక్షంలో ఉన్నా పార్టీని, నాయకుడిని నమ్ముకుని నిలబడిన కార్యకర్తల పట్ల కృతజ్ఞతాభావం ఎంత ముఖ్యమో ఈ ఘటన గుర్తుచేస్తోంది.

👉 కార్యకర్త బతికున్నప్పుడు అండగా నిలవడం ఎంత ముఖ్యమో.. ఆయన చివరి ప్రయాణంలోనూ గౌరవంగా వీడ్కోలు పలకడం అంతే ముఖ్యమనే మానవీయ సందేశాన్ని మంత్రి అడ్లూరి చర్య చాటిచెప్పింది.

👉 కార్యకర్తల భుజాలపై ఎదిగే నాయకులు.. ఆ కార్యకర్తల చివరి ప్రయాణంలో తమ భుజాన్ని అందించినప్పుడే ఆ అనుబంధానికి నిజమైన అర్థం కనిపిస్తుంది.

👉 రాజకీయాల్లో కార్యకర్తల శ్రమతో ఎదిగే నాయకత్వానికి, కార్యకర్తల పట్ల బాధ్యతకు ఈ ఘటన ఒక సందర్భోచిత ఉదాహరణగా నిలిచింది. రాష్ట్రవ్యాప్తంగా కాంగ్రెస్ నాయకులు, ప్రజాప్రతినిధులు కార్యకర్తలతో తమకున్న అనుబంధాన్ని గుర్తుచేసుకునేలా చేసిన ఈ సంఘటన చర్చనీయాంశంగా మారింది. ఈ కార్యక్రమంలో ఎమ్మెల్యే సంజయ్ కుమార్‌తో పాటు మండల కాంగ్రెస్ పార్టీ నాయకులు, కార్యకర్తలు పాల్గొన్నారు.